Ólafur Þórðarson, New York, BLOGG

Blogg Ólafs Þórðarsonar í New York á dingaling.net Velkomin(n)
Ef þú ert svona aktual vegfarandi/Íslendingur í ferð á Manhattan máttu alveg hringja og fá kaffi hjá mér. Við erum í fjármálahverfinu rétt sunnan við World Trade Center fyrrum, aftan við Trinity kirkju, í húsinu hér til hægri, númer fjörutíuogfjögur Trinity Place annari hæð. Hvað finnst þér annars um myndina af mér? Er hún ekki fín? Viltu smá meira kaffi? Tíu dropa? Nei í alvöru. Hvað finnst þér um myndina af mér?
Þú ert hér og nú sem einn af fjölmörgum virtual veffarendum og hefur fullann rétt að kvarta yfir botnlausu bullinu, á hinu auðnotaða kvörtunar svæði. Sumt hefur verið fyrst birt annars staðar undir dulnöfnum. Annað er ekki við hæfi barna! Aldurstakmark: 15. Ára. Ef þú ert undir þeim aldri birtist dularfullur svartur kassi [ala american tv] yfir ósæmilegu orðavali og dónaskap og ósýnileg myndavél á vefsíðunni tekur af þér mynd sem send verður til foreldranna! Ef þú ert ekki orðin(n) 16 ára, þá smelltu á þetta spennandi option: close window Annars má ekki kópíera neitt hér nema láta mig vita fyrst og samþykkja. Allt efnið hér eru mín skrif og myndir nema annað sé tekið fram. Njótið meðan ég endist. Þetta blogg var lengi vel prívat, eða þar til Örn frændi minn tölvuexpert sannfærði mig um ágæti þess að setja blaðrið á glámbekk. Sjálf síðan hefur flakkað svolítið í gegnum árin.

stopp!
BANNAÐ INNAN 16. ÁRA

29. Desember, 2003
Afmæli Lilju
Nú á Lilja 2ja mánaða afmæli. Fékk að fara til læknisins og fá 2 sprautur. Það er þá afmælisgjöfin eða hitt þó heldur! Tók þessa mynd af þeim Donnu í gær.

27. Desember, 2003
Einkavæðing bókasafnanna?
Las vafasama grein einhvers Ragnars Jónassonar í annars góðri Lesbók Mbl. að hann hafi áhuga á að einkavæða bókasöfnin. Hann setur jafnaðarmerki milli bókasafna og myndbandasjoppa. Er þetta ekki bara della? Verða áherslurnar þá ekki aðallega á svona söluhæstu (mest út tékkuðu) bækurnar og fræðiritin líða fyrir vikið? Mér sýnist þetta varla ganga upp. Þar að auki fer ríkið varla á hausinn svona eins og svo margir einstaklingar gera og þá eru ritin betur geymd í öruggri gæslu. Enda er mikill munur á annars vegar sögubókum eða VHS myndbandaspólum með Hollywood afþreygingarmyndum hins vegar, gegnt því sem þessi Ragnar heldur fram.
Eru bókasöfnin heima þá svona léleg að þurfi gagngerra breytinga við? Hvernig græða menn á svona? Rukka 150 kr per bók á viku? 150kr á dag? Hækka sektir?
Hvað myndi batna við einkavæðingu safnanna? Fleiri Harry Potter bækur á lausu, en færri bækur um miðaldarsögu og um arkitektúr? Hvað græðist við að þurfa að greiða einhverjum asna úti í bæ hærri upphæð bara til að fá lánaða bók?

26. Desember, 2003
Bílinn á sínu síðasta
Í næstu viku fer ég með bílinn okkar og hendi honum. Á leiðinni úr fjölskyldumatnum bilaði stefnuljósið og þá fékk ég nóg. Rafkerfið er allt í hassi, það kviknaði í honum fyrir mánuði síðan, nú hef ég eytt of miklu og er mælirinn fullur. Ekki borgar sig að gera við hann þó það sé verið að ræða um sjálfann Lincoln. Bless gamli bíll, það var ágætt meðan það entist.

15. Desember, 2003
Grein í Ítölsku vefriti
Í gær birtist grein um vinnu mína í vefritinu architettura.it , þ.e. á slóðinni http://www.architettura.it/artland/20031214/index.htm , þokkalegt dæmið það, gott úrval af myndum og textinn skemmtilegur, það er enskur button á síðunni ef þú lest ekki Ítölsku.

14. Desember, 2003
Sunnudagsröfl
Þá eru það búnar að vera ca 2 vikur þar sem ég sit með Lilju litlu fram til 3 eða 5 á morgnana og gef henni að borða eða hugga hana við grátinn. Greyið, hún er með magaverki eða einhver ónot. Þetta ruglar aldeilis deginum, maður vaknar einhvern tímann fyrir hádegi, eins og maður gerði sem unglingur. Kannski er þetta bara ágætt mál, setur mann í ákveðið sjónarhorn á tilveruna.

Fór upp í skóla í síðasta skipti sl. Fimmtudag. Náði í lokaverkefni nemenda minna, þau eru 12 og prentuðu út nokkrar litablaðsíður sem ég set svo saman í möppur svo allir hafi eintak af önninni. Þetta lítur vel út og ljómandi að sjá svona áhugasama vinnu. Misjöfn er hún og þau eru mislangt komin í hönnunarþroska, en mér sýnist ég hafa sett rétt mörk og skilyrði.

10. Desember, 2003
Framtíðarsýn.
Eftir 20 ár verðum við öll komin með svona chip í grædda í heilann. Þá verðum við svo gáfuð þangað til inboxið krassar. Þá kemur satan og við drepumst öll í ógurlegu bálhafi helvítis.

6. Desember, 2003 Grein í mbl.
Í síðustu viku, Lau 29. Nóv birtist þessi grein um okkur Donnu í tengslum við eitthvað jólablað. Fengum uppskrift frá Philip, frænda Donnu sem á einhvern veitingastað í Bronx. GREIN

2. Desember, 2003
Svaðilför til Providence
Vaknaði að venju eldsnemma í morgun og keyrði í kennslu til Providence (RISD). Þegar ég var kominn aðeins inn í Connecticut byrjaði að snjóa og innan bráðar var kominn ís á hraðbrautina. Ég hægði á mér úr 110 km hraða niður í ca 50/60 og hélt áfram. Út undan mér hægra megin sé ég stutta röð bíla að fikra sig inn á hraðbrautina. Aftast í röðinni var einhver jeppatöffari á SUV sem virtist missa þolinmæðina á þessum sniglaaumingjum og gaf í framhjá þeim til að spæna inn á hraðbrautina. Hann kom inn á svellið kallinn og svínaði fyrir mig 90 gráður og negldi beint inn í steinsteypubúkkann vinstra megin við mig, klessti bílnum sínum í hann þar sem ég rétt slapp framhjá. Það munaði ekki nema einni sekúndu að maður lenti í slæmu slysi, allt fyrir status symbol rembubjána sem heldur að hann sé eitthvað af því hann er á e-s jeppa. Það er jú víst ekki nóg að eiga stórann bíl, menn verða líka að kunna að keyra þá án þess að stofna öðrum í stórhættu. Prísa mig sælann með daginn, en svellið ágerðist með 2ja tíma hraðbrautarstoppi þar sem ég þurfti að míga í tómann pappabolla, alveg í spreng. Maður getur verið handtekinn fyrir svoleiðis í Ameríku.

28. Nóvember, 2003
Orri frændi hringdi í dag
Skrýtið, ég sem hef ekki notað Celestion hátalarana í 3 ár og tengdi þá í dag. Hef heldur ekki talað í síma við Orra í langann tíma. Hann nefnilega seldi mér þessa þrusu hátalara 1983 og soundið í þeim er GUT. Ja ja. Skemmtileg tilviljun. Ég tengi hátalarana og samstundis hringir Orri kallinn.

Mynd eftir Óla frænda Hér sést svo þessi stórfína mynd sem kom í póstinum áðan, eftir frænda minn Ólaf Þórsson; af hljómsveit sem hann dreymir um. Með þessu áframhaldi verður frændi minn mikill málari.		Lilja í baði Ó já og ekki má gleyma rúsínunni í pylsuendanum, Lilju í baði í dag. Það var voða gaman, ekki síst hjá Dóru ömmu og öllum viðstöddum.
Og svo ákvað mamma að vera áfram hjá okkur fram á 11 desember. Það verður stórfín hjálp fyrst ég kenni í RISD alveg fram á þann dag og Donna byrjar svo aftur í djobbi í lok næstu viku.

18. Nóvember, 2003
Bíllinn bilaði á leiðinni frá Providence í gærkvöldi.
Og ekki nóg með það, heldur á nákvæmlega sama stað og hann hefur bilað áður, á I-95 milli Boston og New York. Í fyrra bilaði hann á sama stað, mikill gufa gaus upp undan húddinu og hann svo dreginn á verkstæði inn af afleggjara 3A í Rhode Island. Dvaldi í það skiptið á illa lyktandi Indverjamóteli og viti menn. Sama uppá teningnum núna. Í þetta skiptið klikkaði Alternatorinn með miklum hvelli og rautt ljós birtist í mælaborðinu. Dreginn inná afleggjara 3A og ég hugsaði með mér "Bermuda Triangle". Ókey, ég lét gera við, dvaldi aftur á Indverjamótelinu og lagði svo af stað til New York í morgun. Ekki batnaði ástandið því ég var rétt kominn af stað þegar

mikill reykur kom út úr hanskahólfinu! Ég gargaði SHIT! Famous last word. Keyrði út af og opnaði hanskahólfið og reif það út með fullann kaffibolla að blautvopni. Mikið af leiðslum voru þarna og engin þeirra með loga svo ég beið og á endanum fór ég aftur á verkstæðið og þeir tékkuð á þessu og kváðu allt vera ókey man en að rafkerfið í bílnum væri að klikka. Eitthvað hefði bráðnað. Bermuda Triangle hugsaði ég aftur, en af þessum 150 afleggjurum á leiðinni hefur bíllinn núna klikkað 3x á sama stað. Síðan þá virkar klukkan bara, og inniljósin líka, hvort tveggja einnungis ef lykillinn er í svissinum. Hmmm!

Ó já...Tryllitækið mitt, Lincoln Town Car. Hér er mynd af HONUM. Bætti gæjanum á bílinn í vor, brosandi öðrum megin, í fýlu hinum megin. Þetta vekur eftirtekt hjá prúðum könum. Næsti bíll sem við eignumst verður svona Nixon Town Car, svartur með svertu gleri. Þar eftir eignumst við vonandi Clinton Town Car, bleikann bíl með svona einhverri píkumynd aftaná. Allt má jú víst markaðssetja og ekkert í dag er heilagt.

16. Nóvember, 2003
Árni Johnsen listamaður
Ég stalst til að krukka í listaverki Árna sem vígt var í gær. Mér fannst undirstaðan vera eitthvað svo rimlaleg að það lá við að best væri að bæta við nokkrum í viðbót. Bæta vinnu hans. Setti svo inn á Málverjavefsíðurnar undir mínu venjulega dulnefni... www.malefnin.com

<-- Mynd STAL henni úr mogganum

10. Nóvember, 2003
http://www.scandesign.org
Sl. Fimmtudag opnaði í Berlín stóra samnoræna hönnunarsýningin. Hún kemur á næstu árum til með að ferðast um gervalla Evrópu og enda í usa einhvern tímann 2006. Valdir voru 3 hlutir eftir mig á hana og er það hið besta mál, vínrekki, UL3 ljósið og svo Escargot klukkan mjúka.

5. Nóvember, 2003
Fædd dóttir okkar: Lilja Anna Ólafsdóttir
Fyrir akkúrat viku, 29. Október, fæddist dóttir okkar Lilja. Hún kom í heiminn á St. Vincents spítala neðarlega á Manhattan um kvöldmatarleytið. Við vorum öll á spítalanum fram á Laugardag því Donna tók því rólega eftir keisaraskurðinn. Lilja litla er óskaplega þæg og góð, sefur mikið og dundar sér sjálf vakandi. Ég er kannski svolítið biased en hún er gríðarlega falleg stúlka og má sjá meira um hana hér: www.dingaling.net/lilja.htm

27. Október, 2003
Írak.
Þessa helgi var Amerísk herþyrla skotin niður í Írak. Skotið eldflaugum í hótelið þar sem Wolfowitz var, sprengjur á lögreglustöðvum og fyrir utan Rauða Krossinn í Bagdad. Þetta er sorglegt mál. Hrokinn og "ég get alveg" mentalitet fanatískra stjórnmálamanna búið að koma Bandaríkjunum í slæma klemmu sem mun draga dilk á eftir sér í öllum geirum BNA, og hafa slæm áhrif á þjóðfélagið, vonandi ekki eins og Víetnam hafði slæm áhrif á Bandarískt þjóðfélag. Stefnubandalag Bush við Sharon er að draga Bandaríkin inn í vítahring og langvarandi dauðaklemmu.
Sumir eru þegar farnir að impra á herskyldu. Niðurskurðir vegna óraunhæfu og dýru skattalækkananna og svo nú hernaðarvitleysunnar munu lækka lífskjör enn meir meðal þeirra sem minna mega sín í BNA. Ráðamenn skella skuldinni um slæmar fréttir á blaðamennina. Plönin um eftirstríðsmála voru ekki raunhæf, vanhugsuð og hafa leitt af sér dauða hundruð ef ekki þúsund manna. Rumsfeld talaði um fyrir ári síðan að stríð á nokkrum vígstöðvum væri vel framkvæmanlegt og þessi ólöglega innrás gerir BNA á endanum að e-s nýlenduveldi. Hershöfðingjar BNA tala um að þetta sé stríð gegn íslam og satan, Powell talar um hernaðaraðgerðirnar og að við séum öll undir sama guði í sömu setningu. Þetta er allt ljótt og heimskt. Brundbletturinn í kjól Mónikku er orðið enn ómerkilegra mál en það var þegar mál var gert úr slettum Clintons. Nei, þessi Hvítahússstjórn er slæm fyrir Bandaríkin. Þá var hin betri.
Þetta voru orð Bush í dag sem ég tók eftir, smá mismæli, "These terrorists do not reflect the will of most Iraqi´s. Most Iraqi´s want to live in peace and freedom, we will find these people and bring them to justice."

21. Október, 2003
Íbúðaruppgerð
Strekkti svefnherbergið okkar með þar til gerðum svefnherbergisstrekkjara. Með þessu nýja fyrirkomulagi, kemst hjónarúmið betur fyrir og barnarúm líka. Málaði það svo hvítt, setti nýtt hvítt teppi á það og allt verður hvítt í því. Mjög óvenjulegt hjá okkur. Allt í íbúðinni er mjög litríkt og gott að kontrasta svefnherberginu sem himnaríki í samanburði við sjálft helvítið. Betra fyrir ungbörnin. Hvernig ég strekkti herbergið er hernaðarleyndarmál hönnuðarins, enda væri vinsælt að apa þetta upp eftir manni ef menn fyndu út hvernig farið var að. Allir svo sólgnir í meira rými.

Svo setti ég saman IKEA hillur fyrir vinnupláss Donnu. Þær eru/voru ljótar en praktískar. Skellti af bakinu á þeim og steypti resin aftaná, svo nú nýtast þær sem skilrúm og hægt að sjá í gegnum þær. Donna sæta og allt draslið sem hún setur í hillurnar verður í móðu. Þetta er dýrt að gera, glæra efnið á hilluna kostar 5x meira en sjálf hillan, en ágætis test í að lappa upp á svona þegar tilbúnar iðnaðarvörur. Hafa má samband við mig að kaupa the real thing.

Annars á Donna að farða Moniku Lewinsky í byrjun næstu viku. Merkilegt nokk. Allir geta notast við góðann farðara, nefni engin nöfn. Nokkrum dögum síðar á barnið að fæðast... Donna er dugleg.

Þessi bloggari Íslenskur er virkilega óvenjulegur og dónalegur mjög. Ekki við hæfi barna! Gylfi Gröndal

18. Október, 2003
Um hákúltúr og lágkúltúr.
Það er margt til í því hjá sumum sem kvarta yfir fordómum eldra fólks varðandi kynlíf og hegðan unglinga. Ég verð að segja fyrir minn smekk að það hefur lengi vel verið svona froðukúltúr sem fylgir dýpri kúltúr, það er í fínu lagi að gagnrýna þennan froðukúltúr. Film Noir var í hámarki á svipuðum tíma og þegar Elvis var að dilla sér. Froðukúltúrinn var á sjöunda og áttunda áratug t.d. popp tónlist sem náði sögulegu lágmarki í plötuútgáfum eins og Top of The Pops eftirlíkingum af vinsældarlistunum. Mikið af poppinu var innihaldslaust tónablaður sem fjallaði ekki um neitt. Á sama tíma voru ýmsar hljómsveitir sem virkilega fengust á við að reyna að skilgreina tilveruna, eins og sannir listamenn gera, má nefna sem dæmi þekktar hljómsveitir á borð við Pink Floyd, Yes eða King Crimson (1968-1974) eða staka tónlistarmenn á borð við Bob Dylan og barasta Megas.
Ég held að eldri gagnrýnendur skiptist líka í hópa sem m.a. má skipta þessa 2 flokka. Annar hópurinn alinn upp í poppgargi, og löngu gleymdum reyfurum, hinn alinn upp í alvarlegri tónlist. Beggja lífsstíll hefur mikið mótast af þessum stefnum.
En hvað varðar Madonnu, þá hefur hún lítið til málanna að leggja, ekkert frekar en einhver "ofsalega skemmtileg" bílaauglýsing. Hvað þá Britney Spears, amerískt sölurokk eða mikið af þessu dansikántrý sem er áframhald á síendurteknu nótnagjálfri og samhengislausu bulli. Mikið af kvenfólkinu er þó með ágætis brjóst sem dilla dátt og finnst mörgum karlmönnum óskaplega gaman og róandi að horfa á. Kannski skiptir það ekki máli, nema að ég vill endilega að dóttir mín taki sér upp betra viðfangsefni en að vera upptekin við að sýna á sér rassinn.

17. Október 2003
Styttist í fæðingu.
Nú styttist í fæðingu dóttur okkar, maginn á Donnu er risastór og stúlkan sparkar heilmikið. Er að breyta svefnherberginu, stækkaði það með því að færa til vegg, málaði og nú er að bíða eftir nýju teppi.
Gjafirnar fylla upp gestaklósettið eins og sést hér til hliðar. Vaskurinn er horfinn í stafla af nýjum gjöfum frá vinum.

15. Október 2003
Löggur út um allt og kallar með vélbyssur.
Hef gengið um í hverfinu í dag og tek eftir að óvenju mikið er af köllum með vélbyssur. Greinilega er búist við einhverju. Nema það sé bara að Runni forseti sé lágt í skoðanakönnunum og þetta hluti af því að að styrkja hræðsluáróðurinn. Það gefst vel til kosninga eins og alltaf, Meira að segja hjá XD; "Passiði ykkur á kommunum!" Talandi um svona hægri menn, þá er þessi Adolf nokkuð fyndinn.
Það kom hingað blaðamaður sem er að skrifa einhverja bók. Það var áhugavert að ræða við hann í um 2. tíma.

3. Október, 2003
Tölvur
Setti upp þennan fína litaprentara í dag, laserlitaprentara. Keyptum hann fyrr í vikunni. Hann prentar út fínt og ég er hæstánægður með hann. Eitt er þó víst og breytist seint, er það sem er gott að benda á varðandi tölvur: Mikið af þessu tölvudóti er helvítis drasl. Óunnar, ókláraðar vörur, prógrömm full af göllum, tæki passa ekki saman, maður kaupir sér prentara, skanner eða annað og þetta er ónýtt eftir ár eða tvö, eða maður er alltaf að stappa í að fá það til að virka eða uppgötvar að eitthvað kostar 10000000kr, þá þarf að eyða 100000 í eitthvað aukadrasl sem er selt sér í kassa, svona eins og að kaupa bíl, "fjórða dekkið er auka". Ef maður kaupir sér tölvu þarf maður að gerast (viljugur eða óviljugur) einhvers konar tölvunörd og tölvuexpert og eyða voða tíma í að fá þetta allt til að virka. Helst að skipa sér í pólitískann flokk, annað hvort Windows eða Macintosh. Þeir hinum megin línunnar eru svo óvinir og vitleysingar. Og þeirra drasl miklu meira drasl en draslið sem maður var svo vitlaus til að draslast til að kaupa sjálfur.

2. Október, 2003
Frelsi neytandans
Allt sem maður kaupir er helvítis drasl. Svo hendir maður því.

28. September, 2003 Sunnudagur. Var að koma inn úr hjólreiðatúr, hjólaði mína 15 km í stífri norðanátt og svölu veðri. Mikið er þetta gott. Hvíli mig svo miðja vegu á bryggjusporði við Hudson ánna, ca. midtown. Þar er smá útivistarsvæði og mætti ætla gott loft, en dallarnir sem leggja að bryggjunni eru ekki lítið mengandi og vibba bensínfýla og reyk sem stundum leggur af þeim. Stundum lendir maður í þessu og dvelur þá ekki í sjónarspili með ánni. Fólk flykkist í þá til að komast í náttúruna, held ég, en svælir í staðinn sóti og brenndri bensíndrullu.
Syracuse University. Í fyrramálið fer ég svo til Syracuse Háskólans Norðar í New York fylki, að vera prófdómari í arkitektúrdeildinni. 5 tíma keyrsla. Svo keyri ég þaðan til Rhode Island um kvöldið, 5 tíma keyrsla. þetta er smá törn, en lítið mál fyrir menn af víkingaættum. Svo aftur 3 tíma keyrsla aftur til New York.
Jane Jacobs, Life and Death of Great American Cities. Já hér er bók sem ég er við að klára, brilliant rithöfundur, hefur ótrúlega innsýn inn í líf stórborga og hvað orðið "borg" raunverulega þýðir. Ef einhver vill skilja hvers vegna maður lítur á Reykjavík sem úthverfi austan Snorrabrautar, þá nægir að lesa þessa 500 bls bók.

26. September, 2003
RISD Opnun
Í gærkvöldi opnaði bi-annual sýning listamanna sem kenna við RISD. Þetta er þokkaleg sýning, þar sem ægir saman mörgum hlutm. Þar eru nokkrir hlutir meira í ætt við föndur, aðrir eru arkitektúr, skúlptúr og svo líka gríðarlega góð málverk í tilraunastílum. Safnið er á 2. hæðum og var Delirium Tremens vínrekkanum mínum stillt upp efst í stiganum, eiginlega utanvið troðna sýninguna, alveg sér og mjög áberandi í fínu dagsljósi. Ánægður með hvernig þetta kom út og gæðin á sýningunni. Opið 26. September-26. Október.

21. September, 2003
Harley Davidson keyra að WTC.
Það er undarlegt hversu mikið af fanatík þrífst um heiminn. Beint hér fyrir utan hjá mér eru nokkur hundruð spikfeitir Harley Davison töffarar á svona lazy-boy mótórhjólum. Aftan á leðurjakka einnar gellunnar sá ég að stóð stórum stöfum, undir mynd af Amerískum fána: "Try burning this one, ASSHOLE!" Grunnt er á ofbeldið.

10. September, 2003
Baby shower
Þá upplifði maður fyrsta barnapartíið, Kinversk vinkona og samstarfskona Donnu, Yue Sai Kan sem á stórt hús við hliðina á Kofi Annan, var með smá kokteilpartí handa okkur og var mjög gaman. Þar mættu helstu vinir, s.s. Skúli og Tóta, Hjalti frændi ofl. ofl. gott fólk. Hér er nýjasta myndin af Pumpkin Donnudóttur. Pumpkin náttúrulega smá grín þar eð hún á að koma í heiminn á Halloween.
Svo verður önnur sturta hjá fjölskyldu Donnu í byrjun Október.

1. September, 2003
Skattar, lýðræðisfyrirkomulag og peningar
Það er mikið hægt að bæta núverandi lýðræðisfyrirkomulag. Aðhald og varnaglar þurfa að vera úthugsaðir áður en breytingar eru gerðar, breytingar eiga sér oft ekki stað nema eitthvað mikið komi uppá, eins og í 1. hallæri eða 2. hallæri eða 3. hallæri. Það skal viðurkennast að það er einmitt versti tími til breytinga en það eina sem brýtur annars tíðindalausa tilveru almennings sem stundar Kringluna í veruleikanum sem og í dáleiddum draumförum um Kalvin Klein, nýja hárgreiðslu og Boss jakkaföt, inn á milli sem það hneykslast á uppáferðum annara af því það fær ekki nóg sjálft. Nema ég, náttúrulega.

Oft dreymir mig hér í Ameríku að geta strikað út kostnaðarliðinn "Pentagon" þegar ég fylli út skattskrána. Það er öllu flóknara heima á Íslandi þar sem lýðræðið er mun virkara og bruðl hins opinbera ekki alveg eins augljóst nema í vilteysu eins og menntun og hjartaaðgerðum. Svo skiptir náttúrulega miklu að kjósa ekki í háar stöður menn sem vilja koma þessum kostnaðarlið "Íslenskur her" inn á skattpínda þegnana í ringulreiðinni í kringlumýrarbellinum. Þá mun söluskatturinn hækka svo mikið að ungar tískudömur geta einungis keypt sér 3 nýjar flíkur á mánuði í stað fjögurra til að gleðja auga okkar karlmannanna sem yrkjum sorgarvísur og drekkum bjór á einhverri kjaftasíðu seint um nótt...

En hver sagði að peningar væru gjaldmiðill lífsins? Er ekki það sama sagt um good looks? Og ástina? Og traust náungans á manni? Og samfarir? Og matinn? Og súrefni? Og hreint vatn? Heyrðu, hvers vegna hefur hagfræðingum á borð við Hannes Friedmann tekist að einfalda flókna hluti í eitthvað sem meikar ekki sens? Les mest þessar bjánasögur um "þrjá menn á eyðieyju og einn finnur pakka af pulsum" og þar fram eftir götunum. Þvílík endemis þvæla sem lekur af síðunum í þessum hagfræðiskruddum.

27. Ágúst, 2003
RÚV og einkavæðing þess
Einn jeppi sagði þetta: "Undarlegt að Ríkisútvarpið reki þessa vefverslun, en það er svosem eftir öðru með þessa stofnun." Komment:Af hverju ætti útvarpið ekki að vera með einhverja verslun? Rökstyddu mál þitt. Verslunin er með einhverja þætti til sölu: barnaefni, útvarpsperlur og músíktilraunir ofl. Hvað er að því?? Þú mættir vera skýrari í máli, stebbi.blái áður en þú útlistar þessum vonlausu bull þeóríum um einkavæðingu RÚV. Tími til kominn að RÚV sé með netfréttir og þær vonandi uppfærðar reglulega. Þetta lítur þó eins og út og svo margt annað, ekkert nýtt við þessa síðu nema að skyndilega er innihaldið aðeins meira. Helst vantar að hægt sé að hlusta á hvað sem er og að vera með gríðarlega gott úrval upload-efnis. Lengi lifi RÚV!
Svo er mér skítsama þó einhverjir einka-fjölmiðlaeigendur séu að grenja yfir því að fá samkeppni. Ef þeir eru ekki nógu góðir, þá mega þeir vel fara á hausinn, enda flestir þeirra bara með eitt í huga: Auglýsingar. Ég sjálfur HATA auglýsingar á fjölmiðlum nema þær séu discreet. Af hverju ætti svo markaður ekki vera í deildum innan ríkisins? Ríkið hefur einfaldlega upp á betri þjónustu að bjóða fyrir hinn almenna borgara þegar til lengri tíma er litið.
Svo spyr ég eins og hver annar heiðarlegur maður: Af hverju á að halda niðri duglegum forstöðumönnum ríkisstofnana út af einhverjum gróðafíklum sem blindir bláir trúa eins og á Jesú og Jólasveininn?

26. Ágúst, 2003
Fyrirskipun Bush til Hollustuverndar eftir 11. Sept.
Já það er ekkert annað. Nú er komið á daginn að Bush gaf tilskipun um að hollustuvernd EPA BNA ætti að láta eins og allt væri í himnalagi með loftið í kringum WTC eftir fjöldamorðin hér fyrir utan.
The Environmental Protection Agency's internal watchdog says White House officials pressured the agency to prematurely assure the public that the air was safe to breathe a week after the World Trade Center collapse..EPA was persuaded to omit from its early public statements guidance for cleaning indoor spaces and tips on potential health effects from airborne dust containing asbestos, lead, glass fibers and concrete.. (Washington Post 23-08-03)
Þrátt fyrir hrikalega brunafýlu og verki í öndunarfærum fór maður aftur uptown til Verettu eftir hvern dag hér niðurfrá, kveikti á sjónvarpinu og sá Giuliani tilkynna hvað loftið sé hreint og saklaust "perfectly safe" og fullt af testum til að sanna það. Tók eftir á þessum sama tíma að loftsýnin í byggingu okkar voru oft gerð í Norðanátt, þegar vindinn af WTC stóð í hina áttina! Yikes. Rudy Giuliani sem sagt samsekur í því að misleiða almenning, hvað er svo sem við að búast frá svona asshole eins og Giuliani. Ekki er núverandi borgarstjóri betri, hylmir yfir Bush í ræðu sinni út af þessu máli og er þarna til að mjólka hið opinbera fyrir sig og sína vini. Stjórnmálamenn verður alltaf að líta á sem óheiðarlega menn nema þeir sanni sig í öðru.

22. Ágúst, 2003
Stóra Norræna hönnunarsýningin í Berlín.
Var að fá að vita að nokkrir af mínum hlutum voru valdir á norræna hönnunarsýningu í Kunstgewerbemuseum í Berlín. Þetta eru fínar fréttir, valdir voru vínrekki, escargot klukka og UL3 lampi. Opnunin er þó nærri fæðingardegi Pumpkin.

23. Ágúst, 2003
20 ár í BNA!
Í dag eru liðin akkúrat 20 ár síðan ég fór í Háskólanám í Bandaríkjunum. Man að ég lenti í Chicago þennan dag og endaði inn á kunningjafólki í Milwaukee í nokkrar nætur áður en mér var hleypt inn á stúdentagarða. Þetta voru tímar mikils upplifelsis og dugnaðar í náminu. Fyrsta önnin í Arkitektaskóla var mjög spennandi.

Björk á tónleikum í gærkveldi!
Við Donna sáum í gærkvöldi tónleika með Sigurrós og Björk á Coney Island. Þokkalega gott dæmi það, tónlistin frekar þung en virtist falla vel í kramið. Byrjað var að spila kl 7:30 og ekki hætt fyrr en 11:00. Gott ljósashow og Björk söng undir flugeldum í takt við tónlistina. Gríðarlega góður gítar hjá Sigurrós

15. Ágúst, 2003
Rafmagnslaust í New York
Örn frændi spyr: Jæja hvernig var rafmagnsleysið fyrir þér. Varstu nokkuð fastur í lyftu með brjóstgóðir ljósku?
Annars kemur hvergi fram í fréttum hversu lengi afmagnsleysið stóð yfir.
Halló Örn. 24 klst. ég var hvergi fastur en fékk mér rauðvín. 2 glös. Var í búð þegar þetta skeði, apóteki að kaupa eitthvað leyndarmál. Skyndilega slokknuðu ljósin og varaljósin (á batteríum) kviknuðu. Fólk labbaði út á götu og þar sást fólk streyma út úr öllum háhýsum. Einhverra hluta vegna voru allir að horfa uptown. Svo fór ég niður að Trinity og þar var fólk að horfa uptown. Svo fór ég baka til í húsið þar sem bakdyrastiginn er á Greenwich Street. Þar var sama sagan, fólk að horfa uptown, í átt að fyrrum WTC. Ég opnaði bakdyrahurðina og fór svo aftur út á götu og í búðina og keypti gallon af vatni. Ég var sá fyrsti til að hugsa til þess því þegar ég fór út klst seinna voru allir með vatnsflöskur í poka og ekkert vatn eftir í búðunum. Aðrir voru að djúsa bjór og notuðu tækifærið og duttu í það. Sumir voru greinilega óheyrilega stressaðir og agiteraðir. Ég bara flýtti mér aftur heim og réðist á þann ís sem eftir var í frystinum. Eins gott að nota tækifærið.
Svo fór ég á netið með aðstoð batterísins í fartölvunni. Tékkaði á tölvupóstinum og viti menn, það var smá surprise vírus, ormaskratti Lovesan sem komst framhjá vírusvörninni og krassaði henni. Ég slökkti strax á tölvunni með því að kippa úr sambandi. Ekki hægt með shut down. Notaði svo afganginum af batteríinu í rafmagnsleysinu að eiga við orminn ljóta, það var slæm viðureign og vonandi er njálgurinn horfinn, þó tölvan hegðar sér undarlega, copypeistar ekki alltaf ofl. Kannski er þetta bara post-njálg kláði.

10. Ágúst, 2003
Robert Zingg dáinn
Fékk þær hræðilegu fréttir að vinur minn Robert Zingg sem bjó með Japanskri konu sinni og dóttur í Japan dó í dag í mótórhjólaslysi í Fukuoka. Við unnum saman ca 93-95 á stofu Gaetano í New York, þar sem hann þaut um allt á línuskautum. Hann hefur lengi verið með mótórhjóladellu og segi ég ekki meir um það.
Mynd bætt inn þ. 1 Sept:

3. Ágúst, 2003
Senator Robert C. Byrd.
Mæli sterklega með ræðum þessa bráðsnjalla Þingmanns, má lesa ræður hans ef smellt er á myndina af honum. Velja svo "Speeches," hægra megin.

2. Ágúst, 2003
War is a force that gives us meaning.
Var að klára þessa auðlesnu og aðgengilegu bók eftir Chris Hedges. Hér kemur skýrt fram mannúðlegt sjónarmið, skýrt sett fram af jafnaðargeði og með nægum tilvitnunum hvers vegna stríð eru heimskuleg. Hedges finnur ákveðn þræði sem eru sameiginlegir atburðum sem leiða út í styrjaldir, þær byrja alltaf á orðum. Þjóðernisrembingur einkennir hefndarþrá eftir atburði eins og 9-11 og stríð enda alltaf með ósköpum þó ekki sé nema sjaldan að satt sé frá. Sem blaðamaður hefur hann dekkað stríð um allann heim og lýsir hvernig stríð sé með ólýsanlegum spenningi sem er eins ánetjandi og áfengi eða eiturlyf. Í raun er þetta kannski minna heilsteypt bók heldur frekar samtíningur af vangaveltum um tilgang lífsins, fléttað saman við leikrit og bókmenntir Shakespeare allt til Grikkja. Í lýsingum af dauðategjum og líkum fórnarlamba stríðs kemur hans besta lýsing:
"You will be me, the eyes call out, see what you will become. Even hardened soldiers drape cloth over such faces or reach out and push the eyelids shut. The eyes of the dead are windows into the world we fear."

31. Júlí, 2003
Setið og lesið á Chincoteague eyju, Virginia.
Sit hér í heimahúsi ættingja á Chincoteague eyju við Atlantshafsströnd Virginíufylkis. Þeta er smá verönd, ca 1,2m x 7m, með vírneti til að halda úti blóðþyrstum moskítóflugum. Húsráðendur hafa stórt plakat í glugga sem á stendur: "United we stand", Amerískur fáni blaktir við hún og stuðarar bíla fjölskyldunnar hafa "God bless America" límmiða. Fimmti hver bíll sem keyrir framhjá hafa svona pínulitla fánastöng setta í glugafalsinn og lítill amerískur fáni blaktir á fullri ferð niður götuna. Mest af þessu litla fánarusli er búið til í Kína og þjóðernisrembingurinn selst eins og heitar lummur.

29. Júlí, 2003
World Trade Center Memorial
Minnismerkið um WTC, ætlunin var að taka þátt í samkeppninni um minnismerkið. En Ameríkanar hafa snúið atburðinum í ástæðu til að styrkja föðurlandsástina, hvetja til útskúfunar á "öðrum þjóðbrotum" eins andstæðukennt og það er jú í eins fjölþjóða landi. Á síðasta ári var komið upp lista af nöfnum yfir fórnarlömbin og allir á einu bretti stimplaðir "hetjur." Fórnarlömbum morðingja hefur verið breytt í stríðshetjur. Þau eru síðan notuð í stríðsæsingi gegn öðrum löndum þar sem margfalt fleiri hafa síðan verið drepnir af hálfu Bandaríkjahers sumpart í viðleitni til að eiga við vandamálið, að töluverðu leiti til að hefna fyrir ódæðið. Líf útlendinga er víst minna virði, sama hver talan er. Þess vegna er mér spurn, hvar eru þau líf í þessu minnismerki? Á ekki að minnast allra fórnarlamba 9-11?

28. Júlí, 2003
Á Ocracoke eyju í Norður Karólínu, alger Paradís.
Sit hér við sundlaug á Ocracoke eyju, syðst á eitthvað 200km löngum sandrifum við Atlantshafsströnd. Það er löng keyrsla hingað en algerlega þess virði. Maður fer úr þessum tilgerðarlegu McDonalds og Pizza-Hut hverfum og götum sem hafa eyðilagt flesta smábæji Bandaríkjanna, yfir í meira lókal, eftir því sem sunnar dregur. Ocracoke er eyja sem maður kemst einungis á með (ókeypis) bílferju. Keyrir svo mjótt sandrifið syðst á eyjuna í lítið þorp. Hér er heitt og gott að vera, hæfilega mikið af fólki og hæfilega lítið af búðum og slíku. Þorpið umlykur smá vík, þ.e. höfn og þar eru nokkrir ágætir miðlungs matsölustaðir þar sem hægt er að sitja úti við og slaka á. Á svona stað gleymir maður skarkala heimsins, er gott að lesa, hvað þá ef maður er að skrifa bók, þá er þessi staður pottþéttur. Stutt er í strönd og mikið af húsum sem hægt er að leigja í viku í senn, ca. $700-$3000 á viku. Þetta er yndislegt!
Fyrstu nóttina vorum við á Bed+Breakfast stað og fluttum út eftir fyrstu nóttina. Loftkælingin var á fullu svo ég fékk kvef og kælivélarnar með hávaða beint fyrir utan gluggann. Sumt fólk er bilað, en ég hef aldrei skilið hvað Kanar eru uppteknir við að nota loftkælinguna strax og lofthitinn útivið verður loksins þægilegur eftir langann kaldann vetur.

23. Júlí, 2003
Skothríð, þyrlur og löggubílar.
Það eru ekkert smá læti hérna fyrir utan. Löggubílar keyrandi framhjá með miklum látum og þyrlur fljúgandi beint fyrir ofan aðeins til norðurs. Fór rétt áðan á Starbucks að ná í kaffi og sá aðeins ofar á Broadway hrúgu af löggubílum. Kom svo inn og athugaði á vefsíðum og kveikti á útvarpinu og greinilega einhver skotmaður í City Hall, hér tæpum 1 km ofar. 2 dánir.
Einn þeirra er borgarfulltrúinn James Davis. Fann þennan áhugaverða texta um Davis, á Brooklyn Skyline:
“Councilman James Davis, a Brooklyn Democrat, also complains about threats made by the mayor: “I was there to hear him make a threat at Gracie Mansion. And the mayor made it clear that there would be retribution against people who voted against the property tax hike,” Davis said, adding, “that [Bloomberg] would campaign against us.” According to Davis, a few council members stormed out of the room after Bloomberg’s remarks. “They were insulted and offended by the fact that he would say it,” Davis said.
Asked to explain what the mayor’s remarks meant, Davis said: “Basically, if you weren’t with him, he would do all that was in his power to make sure that you weren’t re-elected.” “When a man, who has $5 billion, says ‘all that is in his power,’ you say one and one gives you two every time,” Davis continued. “When you can do basic math, you understood loud and clear what he was saying in that room.”... “Many councilmen didn’t want to sign on to the property tax [hike],” Davis said. “But, because they were afraid of the retribution of Gifford Miller, they signed on to it.” Last Wednesday, Jennings and Davis were among three councilmen punished by Miller for voting against the 18.5 percent property tax hike. Jennings was thrown off the powerful Finance Committee and Davis was removed from the Cultural Affairs Committee. Jennings also complained that their parking permits were been withheld as a punishment. “I’m not going to forget his actions towards me when he runs for mayor,” Davis said of Miller. http://www.brooklynskyline.com/news_article.asp?na=282
Davis var drepinn áðan. Hvað þýðir svona? Ég fann þetta bara á netinu áðan og sel það ekki fyrir hærra verð en ég keypti það. Þessi Davis er dauður og borgarstjórinn Bloomberg útskýrir atburðarrásina í smáatriðum um 1 klst eftir að atvikið skeði, áður en lögreglurannsókn hefur einu sinni farið fram...! "Morð á móti lýðræði, bla, bla..." Er þetta gruggugt, eða er ég að lesa meira í þetta en er fyrir hendi?

21. Júlí, 2003.
Pósthússtræti 9.
Byggingin, þessi "ljóta", tilheyrir sínum tíma líka, svokallað curtain-wall system sem ruddi sér til rúms ca. 1950. Enginn byggir svoddan hluti í dag, nema ákveðin afbrigði og ekkert tengt stílnum. Kæmi mér ekki á óvart, ef ekki er þegar búið að skipta um original framhlið, að húsið yrði sett á skrá sem módernisma fornleifar eftir 20 ár.

Varðandi her á Íslandi.
Við höfum ekkert efni á að hafa her. Herlið er allt of dýrt fyrirbæri. Við rétt meikum það að halda úti þyrlu landhelgisgæslunnar! Í besta falli er raunhæft að styrkja og bæta Víkingasveitina.
Eitt þykir mér merkilegt: Sömu menn og ræða um of mikil ríkisumsvif vilja fá her. Við erum að tala um stóraukin ríkisútlát. Og fyrir 21.000 manna varalið???? Hvað er að ske hér, eru menn að missa vitið?
Eru stuttbuxnadrengirnir núverandi -og fyrrverandi- með einhvern vopnainnflutning á prjónunum? Fá einkaleyfi fyrir handsprengjum og slíku? Mikið má græða á svoleiðis drasli, miklu meira en á skólabókum, hvað þá heiðarlegri vinnu! En til þeirra sem styðja heruppbyggingu á Íslandi mætti maður spyrja þeirrar einföldu spurningar: Hvað á að skera niður til að borga fyrir þessa vitleysu? Eru það elliheimilin? Atvinnuleysisstyrkir? Barnaskólar? Hafnargerðir? Háskólar? Ellilaun? Vegagerðir? Brúar og gangnasmíðar? Landsspítalinn? Geðdeildin? Leikskólar? Lánasjóður Íslenskra Námsmanna?
Eða á að borga þetta með því að hækka skatta eða koma upp með nýjann nefskatt?
Ekki á að borga þetta með nýjum stórfelldum lánum frá erlendum bönkum sem kannski tengjast svo vopnaframleiðendunum?
Eða á að borga fyrir þetta með því að stytta sumarfríin? Lengri vinnudegi?
Fínt væri að fá útskýringu á hvar eigi að byrja í niðurskurðinum. Ekki getur "mamma borgað" endalaust! Svar óskast sem fyrst. Tak for det. Útbjó þessa fínu mynd af BB (sem ég setti líka inná Malefnin.com):

19. Júlí, 2003
Fast Food Nation
Var að klára þessa bók eftir Eric Schlosser. Hér er lýst sögu skyndibitastaða, aðferðum fyrirtækjanna og hvernig þau hafa sölsað undir sig veitingahúsamarkaðinn og hafa breytt markaðsaðstæðum um þver og endilöng Bandaríkin. Mjög áhugavert og merkilegt hvernig þessi fyrirtæki eru rekin og hafa gjörbylt matarframleiðslu innan BNA. Ég keypti hana því ég var forvitinn að komast að því hvers vegna örfá fyrirtæki einoka matsölu meðfram þjóðvegum Bandaríkjanna. Bókin svaraði þessu að hluta til og útskýrir ýmislegt annað forvitnilegt og óhuggulegt, eins og hvernig búpening er slátrað í ferkílómetravís eftir að hafa verið gefið hormónalyf og vaxta-aukandi efnasull. Eða hvernig afnám reglugerða í tíð Reagan hefur valdið því að kúrekinn er kominn á útrýmingarlista og bændur vinna nú hjá stórfyrirtæki og mestallt kjöt fer í gegnum einungis ca 6 stórfyrirtæki. Eða hvernig sláturhúsafyrirtækin sjálf hafa komist í þá stöðu að geta ein framfylgt gæðastöðlum kjötsins, í staðinn fyrir heilbrigðireftirlitið. Hvernig bragðefnum er bætt í allt til að það sé bragð af öllu, eftir langa frystingu. Merkilegur listinn á bls. 125 yfir bragðefnin í Burger King milkshake! Hvernig staða kartöflubænda hefur breyst, hvernig komið er fram við starfsmenn osfrv. Gef þessu þá einkunn að allir sem éta á skyndibitastöðum í USA eiga að lesa þetta. Sjálfur segi ég mig úr þessum hóp, nema í undantekningartilvikum.

14. Júlí, 2003
Avery Arkitektúr bókasafnið
Sendu mér bréf sem ég fékk í dag, báðu mig um að gefa einhverjar teikningar á safnið. Allt í lagi dæmi það, þetta er sjálfsagt eitt allra besta arkitektúr bókasafn í heiminum með góðu safni teikninga. Hér er listi þeirra yfir núverandi teikningasafn:Avery

14. Júlí, 2003
Þyrlur úr Keflavík til Líberíu.
Það er áhugavert með brottför hersins frá Keflavík að ef Ísland hefði lýst andstöðu gegn stríðinu, þá hefðu hægri menn skellt skuldinni á brottför hersins á "helvítis vinstri mennina." Raunin hefur orðið önnur og greinilegt hverjir eru vinir eftir veittann stuðning. Ekki það að mér sé mikið sama hvort stöðin er eða fer.
Heyrði í RÚV á netinu, fréttir dagsins, sem voru engar fréttir, að kanaþyrlur voru fluttar til Líberíu, N.B. þar sem þeirra er þörf. Runninn ætlar að bjarga mannlyninu, haven´t you heard? Hann er kannski bara sjálfur Messías?
Hvaða máli skiptir menn ef þessar þyrlur færu bara aftur til USA where they came from? Myndi engu breyta fyrir kalla hvað æstasta út í þessu. Þeir myndu fara í vinnu, vinna, fara úr vinnu, horfa á meiri æsifréttir, borða kvöldmat, ropa, prumpa og sofna svo sælir og ánægðir og dreyma drauma um laxveiði, fjallgöngur, þrýstnar gellur á súlustað og svo jeppann inn og út og inn í bílaþvottastöðina. Þyrlurnar skipta Íslendinga akkúrat engu máli og er Kana að ákveða hvað þeir gera við eigur sínar. N.B. Meine skattpening! Ja, ja!
Og hvað halda menn að Bush hafi tíma til að svara bréfum frá einhverjum fyrrverandi víking með krullað hár lengst norður í ballarhafi. Það er verið að loka hundruðum ef ekki þúsundum herstöðva um gervöll Bandaríkin og um allann heim. Davíð kallinn verður bara að bíða í biðröð eins og allir hinir því verið er að hagræða vegna skorts á herafla í Írak ofl stöðum þar sem olíuauður er stórlax leikaranna umhverfis Runna Pjakks, morðingjans frá Texas.
Skelli þessu á Innherja á visir.is

13. Júlí, 2003
Fínt veður!
Hér er hlýtt og sólin skín. Maginn á Donnu stækkar ört og nú er hún komin 6 mánuði á leið.
Hér kemur smá pæling:

Ég straujaði straubrettið
Ég skrifaði á blýjantinn
Ég fann lyktina af nefinu á mér
Og hannaði bílskúr í laginu eins og bíll.

1. Júlí, 2003
Busy helgi aflokið.
Opnunin hjá John Elder var fín, mikið af gestum. Playboy tímaritið tók viðtal við listamennina, þ.á.m. mig, og svo voru konurnar 2, Pat og Robin frá PBS í að safna efni í heimildarmyndina um mig. Rakst á þetta uppskrifað á vefsíðu Furniture Society eitthvað smá uppskrifað fyrir neðan 2. mynd, ath. Thordarson...
Daginn eftir, Föstudag, fórum við ritstjórinn Laetitia Wolff niður í Philadelphiu að skoða hönnunarsafn á University of Pennsylvania kampus og sáum svo stúdíó Josh Owens í miðborginni.
Svo á Laugardag fórum við Donna til foreldra hennar í Kerhonkson í sumarblíðuna, lágum í sólskini úti á palli og lásum og drukkum bjór eða þannig já. Gott að komast í sveitasæluna eftir langdvalir í borginni.

23. Júní, 2003
Fínt veður. Hmmm, hvernig er veðrið, ekki bara fínt? Já voða fínt veður!
Talandi um veðrið, þá er loksins komið sumar, sól og um 25 stiga hiti. Sumarið hefur verið lengi á leiðinni og mikið rignt. Fór því út að hjóla á stuttbuxunum og fæ sólbrúnku og æfingu, ca. 45 mín. ca 15 km. Þandi hjólið vel, mætti kaupa nýtt hjól fyrst ég er svona duglegur við þetta, er að spá í þetta hjól, sem fékk glimrandi review í consumer reports:
http://www.giant-bicycles.com/us/030.000.000/030.000.000.asp?lYear=2001&bikesection=8801&range=22&model=10381

22. Júní, 2003

Secretary with or without drawers.
Skrifborðið nokkurn veginn tilbúið, hér eru fyrstu myndirnar, með smá aukastykkjum tengdum dæminu, guðaveigum ofl. Meðal annars nýja hönnunin, þráðlaus sími eins og banani í laginu, búinn til úr banana.
Opnast út í borð, í borðplötunni eru kvenmannsnærbuxur steyptar í glært resínið. Sem sagt "drawers" í skrifborðinu eru nærbuxur.

Konuna er sem sagt hægt að leggja
ofan á borðið. Yeah!

22. Júní, 2003
Dónaskapur í New York
Það er erfitt að vera alltaf vingjarnlegur í New York, en maður reynir samt. Fólk er oft hranalegt og maður átti fyrst erfitt með að skilja af hverju fólk er svona dónalegt í borginni. En svo þegar maður býr hér í einhver ár, þá áttar maður sig á að maður er alltaf í þeirri aðstöðu að einhver bjáni er að reyna að selja manni eitthvað og notar sér góðvild manna til að selja annað hvort drasl eða sjálfann sig. Fólk lítur á góðmennsku sem lúserahátt og notfærir sér slíkar manneskjur sér til framdráttar. Dæmi, leigubílstjórinn fer aukarúnt, búðarkallinn selur manni eitthvað sem manni vantar ekki og notar sálfræðitrix. Bæta má við að íNew York safnast saman fólk sem er eð reyna að koma sér áfram í lífinu og það blandast fólki sem hefur gefist upp á því sama. En það má ekki missa grunneðlið og það er nauðsynlegt að vera almennilegur við hvern sem maður hittir. Það er líka nóg af slíku fólki hér.

21. Júní, 2003
Rigning og Írak.
Það hefur rignt mikið á síðustu 2 mánuðum. Heimþráin skýtur upp kollinum í svona veðrum. Hundarnir neita að gera sínar þarfir í rigningu, oj bara. Svo skilja þeir sín stykki undir vinnuborðinu hjá mér. Kannski eru þeir að reyna að koma á framfæri einhverjum skilaboðum?
Svo að Írak; verið er að pikka út Kanana með leyniskyttum og handsprengjum, random. Taldi 192 dauða hermenn á vefsíðu Washington Post í gær. Ég er farinn að halda að aðalvandamál stjórnarinnar í Washington sé að Írak þarf á massívu uppbyggingar-SÓSÍAL prógrammi að halda, sem er vissulega á skjön við kenningar þess hóps sem umkringir snillinginn frá Texas. Verið getur að prófsteinn hægri hagfræðinganna afsannist í Írak, eins og í svo mörgum öðrum löndum. Það tók áratugi að byggja upp gott sósíalkerfi í bland við markaðskerfi á Norðurlöndunum, þar sem lífið er best á jarðarkringlunni. Þar afsannast allt með að það sé annað hvort markaðskerfi eða sósíalkerfi, og Norðurlönd sanna einnig að báðir pólarnir eru fanatík. En Írak þarf á meiriháttar vítamínssprautu að halda, hún er bara ekki sjáanleg frá frelsurunum. Það þarf meira til en Bandarísk olíufyrirtæki.
Talandi um Írak, þá birtu WNYC myndina mína með íraks völundarhúsinu, Gallerí #3, mynd #26 >smella hér<

21. Júní, 2003
Nýtt verk

Gerði þessa rosalegu mynd á Photoshop með aðfengnum ljósmyndum. Hér sést andlit Bush á ímynd Jim Morrison með Ali í forgrunni.

16. Júní, 2003
Fréttir
Einn góðann veðurdag mun maður kveikja á sjónvarpinu til að horfa á fréttir. Þulurinn mun líta í myndavélina og segja; "því miður eru engar fréttir í dag, ekkert skeði. Góða nótt." Þá mun víst vera kominn á friður í heiminum og engar áhyggjur að hafa af neinu.

13. Júní, 2003
Ja, hver djöfullinn!
Sá frétt í New York Times um að breyta ætti númeri á þjóðvegi vegna trúarofstækis. "But this spring, politicians in those three states, led by Bill Richardson, the governor of New Mexico, petitioned the federal agency that handles such things to change the highway's number, arguing that the New Testament's association of 666 with Satan was impairing the economic vitality of the towns along its route." Kanar eru svolítið klikkaðir. Já gáfulegt að einbeita sér að svona vitleysu. Efast ekki um að þessi breyting komi sér vel fyrir fólkið í hjólhýsunum, bæti almenna menntun, lækni fátæktina og bjargi fullt af fólki frá dukknun úr táradal hins daglega amsturs.

12. Júní, 2003
Beðið eftir rigningu.
Vann með arkitektinum Jim í dag. Þar var blaðrað og m.a. kona ein þunn, hún að venju skeggræddi mikið um veðrið og svo á að rigna seinna í kvöld. Veðrið er alltaf merkilega drjúgt umræðuefni. Og þó.
Nú þegar herinn á Miðnesheiði virðist vera á förum bætist við að propagandaminister Herr Rumpsfeld stoppar af nýbyggingu NATO ef Belgar vogi sér að leyfa málaferli gegn glæpamönnum hans í Washington. Niðurskurður heitir þetta á fræðimálinu Hagfræði en yfirgangur yfirvalda BNA er merkilegur. Hótanir og frekja. Morð líka, ó já. Teljarinn á iraqbodycount.com er kominn upp í 5000 manns. Er ekki annars morð að drepa annað fólk? Og eru ekki drápsmenn það sem við köllum morðingja. Almenningur í Bandaríkjunum er úti að aka, fær ekki nóg af upplýsingum um hvað er að ske. Það virðast annars vegar vera fánaberarnir sem garga þjóðsönginn með tár í öðru auga og hitt á sigtinu. Hins vegar eru kanar sem reyna að finna aðrar upplýsingar en þær sem eru á auglýsingastöðvunum. Netið er stórkostlegt.
Nema rakst annars á þessa sick vefsíðu í dag, ekki gá nema hafa sterkar taugar! http://www.bonsaikitten.com/gray.html

10. Júní, 2003
Steyptur einkaritari.
Steypti einkaritarann í kvöld. Allavega stærsta hlutann. Hér voru viðstaddar 2 konur sem vinna á sjónvarpsstöð að vinna að þætti um mig, þær tóku eitthvað af myndum við prósessinn. Nú er að kýla á að klára gripinn um helgina, kannski er það bjartsýni, sjáum til.
Helst vantaði í daginn að fara út að hjóla til að fá smá orkubúst. En kannski þarf þess ekki, það er oft mikið apparat að steypa úr resin og agiterandi mjög því maður er með gasgrímu og græjur og resinið harðnar á nó tæm.

3. Júní, 2003
Einkavæðing Ríkisskólanna.
Fínt mál að til eru einkaskólar. Margir mikils virtir menn hafa komið upp ótrúlega öflugum stofnunum.
En það er með þessa hugmynd að færa ríkispening á per haus með nemanda yfir í einkaskóla. Ó-já. Fyrst verður maður að benda á að formúlan er runnin undan rifjum íhaldsins í BNA. M.a. hefur "snillingurinn" Bush þetta á stefnuskrá sinni og ekki er nú allt gott sem frá honum kemur. Já, þar með talið þessi afleita stefna sem kemur úr aulahagfræði gróðaklíku Bush/Reagan. Formúlan með að senda tékka á "einkaskólana" einfaldlega gengur ekki upp:
1. Ef einkaskólar fá á annað borð beina ríkisstyrki, þá eru þeir ekki einkavæddir, heldur af-ætur á hinu opinbera.
2. Færsla peninga úr núverandi opinberu skólakerfi minnkar þá gæði núverandi skóla til muna. Þeir nemendur "sem eftir verða" fá lélegri menntun. Formúlan gengur ekki upp.
3. Notaður yrði sameiginlegur peningur landsmanna til að auka á stéttaskiptingu og óréttlæti innan þjóðfélagsins. Peningur skattgreiðenda væri notaður í einhverja sjálfskipaða elítista og klíku-uppa-skóla.
Athugum málið nánar: 100 nemendur eru í ríkisskóla X. Skólinn fær 100 milljónir í ársrekstur. 15 nemendur fara í einhvern "einka"skóla. 85 nemendur eru eftir, og fá því 85 milljónir til ársreksturs miðað við 100 milljónir áður. Skólinn er þó samt rekinn með næstum sömu kostnaðarliðum og áður. Það þarf að þrífa sömu stofurnar, halda uppi sama leikfimisalnum, halda í sama bókasafnið, næstum sama kennaralið og tölvu- og rafmagnsreikningar breytast lítið. Því yrði skóli X með 15% minna af "tekjum" en áður. Allir vita að almenn regla er að veraldleg lífsgæði aukast eftir því sem peningar eru meiri. Sama gildir um skólana. Skóli X myndi því falla í gæðum og þ.a.l. 85% nemenda fá lélegri menntun á meðan hin 15% KANNSKI fái betri menntun. Ath: Kannski.
Nei, þetta dæmi einfaldlega gengur ekki upp. Það að færa pening úr hverfaskólunum eða á annað borð færa peninga úr opinberum skólum væru ferleg mistök. Greinilegt að lengst til hægri menn kunna ekki að bæta skólakerfin frekar en að bæta efnahaginn almennt. Þeirra patent-lausnir á skólamálum eru svo sannarlega ekki betri en margreyndar basic kennsluaðferðir síðustu hundrað ára. Það eina sem þarf til að bæta skólakerfið er að setja meiri pening í það frá hinu opinbera og styrkja allt skólastigið af alvöru með nauðsynlegum tæknivæðingum og aðgangi að fræðiefni. Það hefur margsannað sig að vera okkar besta fjárfesting til lengri tíma litið. Svo gengur það bara ekki að vera með eitthvað stuttbuxna-hálfkák soðið beint upp úr kokkabókum Repúblíkana-sölubrellukalla í Ameríku. Börn eiga betra skilið en þetta bull.

1. Júní, 2003
Sunnudagur, merkilegt nokk. Vel tókst til í gær með einkaritarann, smá framför þar. Svo er hér heimavið skúringamaður að þrífa okkar pleis, kemur vikulega og er mikil hjálp af honum, yndislegur maður frá Equador en mjög hræddur við að nást.
Fór á Starbucks að lesa nýju stóru feitu bókina mína um Andy Warhol. Líst vel á og gríðarlega þokkalegur innblástur í efniviðnum.
Kom svo heim og kveikti á C-Span Book-TV og þar var langt viðtal við eitt af mínum uppáhalds spekúlöntum, Noam Chomsky. Ákaflega merkilegt efni og ég sofnaði út frá honum og vaknaði við að Donna var búin að búa til kvöldmat. Þá var komið viðtal við rugludallinn David Horowitz sem berst gegn öllu líbó eins og vel borguðum hægri manni er tamt, kvartaði hann sárann yfir að New York Times hafi ekki skrifað grein um hann í tíu ár, sniff. Kannski er það skiljanlegt enda með eindæmum fordómafullur maður og nokkuð augljóslega borgað í rassvasann af NRA, National Riffle Association.

31. Maí, 2003
Laugardagur
Ó já er það ekki merkilegt, Laugardagur, skýjaður dagur, við og við smá úði og fínn hiti til að rembast svolítið. Fór því út að hjóla, mitt venjulega 45 mín-klst púst meðfram Hudson ánni. Svei mér þá ef sumar hinar bollurnar hafi ekki lagt á sig, allaveg eru þær hægari að færa sig þegar ég kem brunandi.
Skráði mig í gær í hönnunarsamkeppnina um minnisverk fyrir World Trade Center. Einhvern veginn er þó erfitt að vinna í þessu, mér kemur aðallega í huga einhver obnoxious verk, of pólitískt gagnrýnin eða annað sem væri "ekki viðeigandi". Sjáum til hvernig hugmyndir þróast þegar líður að deadline-inu. Kannski get ég kreist út eitthvað sem er Politically Correct.
Er svo að vinna í einkaritaranum (sjá að neðan), mála grindina

30. Maí, 2003
Varúð, ekki nota Hostway vefþjón!
nafnið veffari.com frátekið fyrir mig af fyrirtæki sem heitir Hostway, Chicago. Þeir algerlega klúðruðu vefsíðu uppsetningunni.Yikes! EKKI versla við þessa glæpamenn. Á fyrstu 2 vikum eftir að ég skráði veffarann í gegnum þá skildi ég eftir 5 skilaboð á símsvaranum, 10 e-mails og 5 repair-forms á vefsíðu þeirra og ekkert svar, ekki múkk. Vá. Hrikalega lélegt. Svo ég sendi kvörtun til Better Business Bureau. Sendi póst til Hostway að ég væri að gera það og viti menn. Það heyrðist frá Hostway. "skiljum ekki hvað er að". Ha! Þeir auglýsa 24/7. Ég þurfti að leita að símanúmerinu, slá því upp á Google og leita í gegnum fyrirtækja skráningar til að finna það. Dísös...
Svo í staðinn fyrir að skrifa hér hef ég verið að standa í einhverju fokki með óheiðarlegt fyrirtæki með ENGA þjónustu. Ekki það að Better Business Bureau geri neitt í þessu.

Er hægt að treysta efni History Channel?
Ég horfði um daginn á heimildarmynd í History Channel um ógnarverk Sadam. Þar kom margt merkilegt fram, en þeir minntust á líkin í Basra (þessi með hermönnum úr Íransstríðinu) og í þættinum, glænýjum var haldið fram að líkin hefðu verið fórnarlömb dauðaseveita Saddams. Rétt skal vera rétt og þarna er heldur betur með rangt mál farið. Sjá blogg mitt frá 6. Apríl. Þegar kemur að því að segja frá ógnarverkum Saddam er eins gott að fara með rétt mál því nú setur mnaður spurningarmerki við allt hitt. Sem er ekki það sem á að koma út úr svona glápi.

21. Maí, 2003
Kenni í haust.
Skólastjórinn hringdi í mig frá Rhode Island School of Design og samþykkti mig í kennslu í haust. Það verður ágætt, er að hugsa um að taka fyrir efnivið sem tengist iðnhönnun og götuhönnun. Það verður ágæt tilbreyting.

15. Maí, 2003
Ólafur Ragnar Grímsson gifti sig.
Til hamingju. En fyrir nokkrum árum síðan sá ég "umræðu" stuttbuxnadrengja á vísir.is að það væri skandall að Ólafur Ragnar og Dorritt væru ekki gift, að þetta "sæmdi ekki forsetaembættinu" og þar fram eftir götunum. Mér þótti leitt að sjá umræðu á Íslandi vera spólandi í sömu brundslettunum og á kjól Mónikku hér um árið. Það er algerlega mál nafna míns og spásu hvort hann giftir sig eða ekki. Sannarlega er það ekki einhverra hægri fanatíkkera að ákveða, sem lesa allt sitt sauruga spunabull úr sorpritum repúblíkana í trúarkjaftæðisstíl varðandi heiður og föðurlandsást og spýja þessum ósóma yfir land og þjóð eins og dáleiddir og uppæstir Jesú Zombies úr suðurríkjunum.
Nei. Maðurinn og konan giftu sig. Það er þeirra mál og ákvörðun.

14. Maí, 2003
Dead or Alive, motherfucker.
Heyrði kanaforsetann lýsa yfir að hann muni hefna fyrir hryðjuverkaárásirnar á Rhyiadh. Að Saudi hafi ekki gert nóg gegn terrorisma. Sjálfsagt er eitthvað til í því. Mér er spurn, hvar eru Ósama bin Laden og Saddam? -og hvernig var öryggið hjá Bush fyrir 9-11? Er þetta ekki bara sami harðlínufrasi og hefur haldið Ísraelum í greipum terror ógnar? Sama hetjugarg og notað er til að réttlæta árásir gegn hinum og þessum löndum og að skerða mörk einstaklingsréttar innan Bandaríkjanna?

9. Maí, 2003
Einakrekin fyrirtæki eru betur rekin en þau hjá hinu opinbera. Eða hvað?
Það er ósannað að fyrirtæki sé alltaf betur rekið hjá einkaaðila en hjá ríkisaðila. Þetta fer á báða vegu og staðhæfingin því röng. Get nefnt andskoti mörg dæmin um það hér í usa. Eftir því sem ég bý hér lengur er ég meira og meira ósannfærður. En ég hélt þetta væri regla fyrst þegar ég kom til usa. Ein spurningin er til dæmis fyrir hvern er fyrirtækið betur rekið? Er það betur rekið fyrir hluthafana? Sjálfsagt er það rétt í meirihluta tilvika. Enda enginn þröngur hópur hluthafa í opinbera fyrirtækinu. En er fyrirtækið betur rekið til að gefa góða þjónustu fyrir kúnnana? Stundum, en óskaplega oft ekki. Betur rekið fyrir starfsmennina? Í hálaunastöðum já, annars ekki. Það fer svo mikið eftir hvað er verið að bjóða til sölu eða hvaða þjónustu er verið að bjóða. En reglan sem ég hef séð er að fyrirtækið er gott við kúnnana fyrstu árin og svo fer þjónustan niður holræsið eins og hver annar óþarfi og fyrirtækið getur vel lifað á auglýsingafargani, vægum blekkingum óprúttinna sölumanna og að borga starfsmönnum skítalaun eins og tíðkast hjá Superman hetju hægri-hagfræðinganna: Sam Walton hjá Walmart. 3ja vikna sumarfrí er nebla nær óþekkt fyrirbæri í þessu landi fyrirtækja-á-bakvið-stjórnmálamenn og þar sem allt snýst um að svindla semmestann pening frá öllum hinum svindlurunum. Hvað hefur orðið um gæðin, heiðarleikann og það að reyna að gera vel við annað fólk?

8. Maí, 2003
Bloggið á leið upp á veffarann
Loksins búinn að ná í nafnið veffari.com, þetta er nú meira helv/$#"## vesenið stundum. Kemur manni í óskrifstuð. Þessi fyrirtæki sem selja manni vefspeis og hafa svo oft ekkert símanúmer. Þeir selja manni þjónustu og um leið og búið er að rukka, þá er ekki einu sinni svarað í síma! Helvítis svindlarar. Næst tékka ég á hvort fyrirtæki er með síma. Sami server svarar ekki tölvupóstum eða þessum work orders útfylltum on-line. Einkaframtakið er alltaf best rekið og með bestu þjónustuna, greinilega alltaf rétt. Smá tips: Ef menn fá sér vefsíður, fyrst fara á vefsíðuna sem býður þjónustuna. Ef á vefsíðum þeirra er símanúmer þar sem hægt er að hringja og tala við einhvern, þá hringja og spjalla við þá. Það sýnir að þeir eru með á nótunum og ekki bara í business til að féfletta menn.

6. Maí, 2003
Templeitur
Hmmm. Template. Flaug inn um eitt eyrað í gær og hringsólaði á milli eyrnanna. Það að vera templeitur... Maður sem hagar sér eftir fyrirfram ákveðnu mynstri! Svona eins og stuttbuxnadrengur, ætti vel við í samhengi við temple, horfa til Valhallar eða tilbiðja hagfræðinga.
Kanar eru til dæmis mjög templeitir. Með svipaða klippingu, fara mikið í kirkjur, eru ofur-kurteisir og almennt ósjálfstæðir. Telja sér og trú um að þeir séu einmitt voða sjálfstæðir, svona á bakvið fánann og föðurlandsástina.

4. Maí, 2003
Sunnudagur
Vekjaraklukkan æpti kl. 7:00 í morgun og ég fór á lappir kl. 10:30. Það sem byrjar vel endar vel. Eyddi svo 2 klst í að þrífa tölvuherbergið og kítta holu sem er beint yfir tölvunni. Þegar hvessir útivið blæs úr þessari holu og í verstu kviðunum rignir ryki og skít niður á prentarann, tölvuna og lyklaborðið. Í svona gömlu húsi veit maður ekki hvað felst í veggjunum og í gólfunum (músaskítur?!). Fór svo í góðann hjólreiðatúr, 10 mílur á 45 mínútum upp að 23. götu. Veðrið úti eins og fallegur Júlídagur heima í Reykjavík. Spikið ætti að leka af manni við svona hressandi áreynslu. Fullt af fitubollum á stígnum en með því að skransa í borgarstjórabeygju í kringum þær er hægt að halda ferðinni. Ókey, best að halda áfram að vinna í einkaritaranum.

2. Maí, 2003
Secretary without drawers.
Er að vinna í stykki á sýninguna "Naughty" í New York, sem verður í John Elder Gallerínu. Sýningin á að vera fyrir uppáferðarhúsgögn. Húsgögn fyrir samfarir eða gerð svo gott sé að hafa samfarir á þeim. Nátturulega list-tengd húsgögn. Eitthvað hefur þetta verið að væflast fyrir mér með að útfæra hlutinn en nú er það komið á góða leið. Þetta verður lítið skrifborð (þýtt á ensku secretary) sem hægt er að leggja upp og þá leggja einkaritarann á það í samfarastellinguna. Svona er lífið. Er ekki allt list nú til dags? Engar skúffur á borðinu skýrir út nafnið; Secretary without drawers.

2. Maí, 2003
"Skattalækkanir Reagan ollu góðærinu í tíð Clinton."
Heyrði þennan nýlega. LOL-þvílíkur frasi. Og ekki í fyrsta skipti sem ég heyri hann. Af hverju var uppgangurinn í tíð Clinton ekki alveg eins Nixon að þakka? Hann var repúblíkani, ekki satt? Tók bara svolítinn tíma fyrir aðgerðir Nixon að virka(!) Talandi um Nixon, þá erfði Jimmy Carter fjármálaóreiðu Nixon-Ford-Kissinger, með tilheyrandi atvinnuleysi og þjóðfélagsvandamálum sem eru óleyst enn þann daginn í dag.
Skattalækkanir Reagan ollu allskyns vandamálum í Bandarísku þjóðfélagi og afnám hans á reglugerðum olli m.a. Savings and Loan svindlinu sem kostaði skattgreiðendur gríðarlegar fjárupphæðir. Reagan-Bush1 skildu ríkiskassann eftir í þvílíku skuldafeni að aldrei datt nokkrum manni í hug að það væri einu sinni hægt. Sló út niðurgangnum eftir Víetnam stríðið.
Nei, Reagan er ekki valdur að uppgangnum á tímabilinu 1993-2000. Það er í besta falli óskhyggja. Lílegast þó léleg lygi.
Mun betri skýring er að ör þróun í tölvum og markaðssetning þeirra hafi valdið hinum mikla vexti í tíð Clinton, sérstaklega þegar hvaða jói sem er gat braskað á netinu eftir 1995. Gott fyrir þá sem voru betur stæðir en hafði takmörkuð áhrif á þá lægst launuðu, sem hvort eð er eru langt undir fátækrarmörkum þrátt fyrir fulla finnu. x

2. Maí, 2003.
Sögukennsla 101.
Það er gömul tugga hægrimanna að vinstri/miðjumenn kunni ekki á fjármál. Lítum á dæmi úr sögunni. Þegar hægri menn voru við völd í BNA, þ.e. lengst til hægri:

1920-1931: 3 Repúblíkana forsetar í röð og repúblíkana þing. Mikil spilling, mútur eins og í dag. Endaði í kreppunni dásamlegu sem allir vita um. Það er þá fjármálavitið!
1968-1975: Nixon-Ford-Kissinger, repúblíkana þríeykið. Carter erfði fjármálaóreiðuna og fékk á skellinn fyrir. Reagan vann á frasanum "are you better off than you were 4 years ago". Merkilegt hvernig velgengni í fjármálaheiminum hefur með pep rallý að gera.
1980-1991: Reagan með afnám reglugerða og peningum stýrt til toppanna og þeirra sem þegar hafa mikil efni. Endaði með kreppunni sem byrjaði með verðbréfafallinu haustið 1987 og kreppu og ömurlegu atvinnuleysi í BNA fram til 1992-1993. Það er þá fjármálavitið! Ég man að eldri Bush sagði um sumarið 1990 þegar ég var í fyrsta og eina skiptið á ævinni án atvinnu: "The economy is strong and robust". LOL
2001-: Bush forseti og núna reppúblíkana þing. verðbréfafall úr DJA 12,000 í tíð Clinton er núna í 7500-8500. Það er um 30% fall á verðbréfum! Að maður tali ekki um að hægrimennirnir með simpansa leikbrúðuna eru búnir að fokka skuldleysi Bandaríska ríkisins og demba því í skuldahala sem mun draga dilk á eftir sér í áratugi! Og atvinnuleysið í hámarki aftur. Það er þá fjármálavitið!
Greiðum miðju-flokkum atkvæði, hægri menn bara segjast vita um fjármál, en stefna langri uppbyggingu góðs heilbrigðis- velferðar- og skólakerfis á Íslandi í eitt stórt spurningamerki. Hægri menn á Íslandi apa allt upp eftir repúblíkönum, sem hafa vægast sagt vafasamann skilning á ríkisrekstri! So there.
Hér er svo smá aukabónus um hvernig er farið með skattpeninga Bandaríkjamanna: http://www.nationalpriorities.org/

1. Maí, 2003
1. Maí.
Í dag er 1.Maí og frí í flestum löndum. Nema Ameríku að sjálfsögðu, þar sem 1. Maí var reyndar "fundinn upp" (Chicago ca 1880 ef minni mitt skeikar ekki). Ekki einu sinni minnst á þetta sem frídag eða neitt. Það eina sem ég sá í New York Times í dag var smá frasi í samhengi við annað efni, orðrétt: "the most hallowed Communist holiday".
Og hana nú sagði hænan. Greinilegt að braskararnir líta á verkalýðinn sem upp til hópa kommúnista. kommon man, kannski. Þá skoðaði ég í dag undir dálkinum "On this day" var ekki einu sinni minnst á verkalýðsdaginn, heldur aðra sögulega viðburði eins og að Mózart hafi fyrst flutt Figaró(!) árið sautjánhundruðogsúrkál.

24. Apríl, 2003
MonALIsa
Tvíræða brosið. Mon Ali sa. Sigur í Írak. Húrra, húrra! Hér er dulbúið andlit þeirra sem eru sama og ekkert ræddir í fréttum í BNA.

Gerði á tölvu, Apríl, 2003.

"Why, of course, people don't want war... But, after all, it is the leaders of the country who determine this policy and it is always a simple matter to drag the people along, whether it is a democracy or a fascist dictatorship or a Parliament or a Communist dictatorship."
"Voice or no voice, the people can always be brought to the bidding of their leaders. That is easy. All you have to do is tell them that they are being attacked and denounce the pacifists for the lack of patriotism and exposing the country to danger. It works the same way in every country."
Sagði Hermann Goering, úr bók Gilberts, bls. 278-279.

24. Apríl, 2003
Til umhugsunar.
Hvernig stendur á að fjölmiðlar hér hrópa húrra húrra yfir að byrjað er að dæla olíu úr Írak en spítala vantar á sama tíma meðul, tæki, vatn, mat... hmmm. Er þeim alvara með að laga infrastrúktúr Íraks?

23. Apríl,2003
Nuremberg Diary, eftir G.M. Gilbert
Var að klára þessa frábæru bók, sem ég nældi mér í vegna hugsanlegra sögulegra réttarhalda í Írak. Skrifuð af (bloggara?) Gilbert Bandarískum sálfræðing sem hált dagbók á þeim tíma sem hann ráðlagði og ræddi við glæpamenn 3ja ríkisins er Nuremberg réttarhöldin stóðu yfir. Veitir innsýn inn í mannlegann veikleika skrímsla. Eða þannig já. Alltaf allt einhverjum öðrum að kenna.
Það merkilega er að hugarfar manna eins og Goering minnir mig óþægilega á Rumsfeld. Hrokafullur fyrir mann í opinberri stöðu, bendir á hvað gagnrýnendur á hann eru vitlausir, hann hefur alltaf rétt fyrir sér. Og hæðinn brandarakall, af þeirri gerð sem er vinsælt hjá mönnum með einhverja gerð af minnimáttarkennd.
Á óvart kom einnig hræðsla nasistanna við Stalín. Þeir litu á það sem tímaspursmál hvenær Stalín réðist á Þýskaland. Þessi hræðsla var svo tekin upp af vesturveldunum eftir að hermenn Stalín slátruðu nasistunum.

Mæli með þessari frekar auðlesnu löngu skruddu ef þú hefur áhuga á boring efni eins og sögu.

21. Apríl, 2003
Signý og Sindri í heimsókn. Stutt stopp en alltaf gaman að sjá þessar elskur. Þau drekka ekki kaffi.

18. Apríl, 2003
Man in the moon?

Fóstrið okkar Donnu sést hér sitjandi. Spriklar ótrúlega -kannski bara að dingla í naflastrengnum. Maður gerði þetta sjálfur á sínum tíma til að stríða elsku mömmu. Merkilegt hvað fóstrið hreyfist mikið. Ca. þumalputti á stærð, þ.e. um 5 cm, mínus 6 mánuðir, fæðingardagur 30. Október, Halloween!

Köllum hann/hana Pumpkin. Í bili. Bara að vona að allt gangi eins og í sögu og við kominn í urðunarbusinessinn í lok ársins. Stefnum á Grafarvogs-style bryggjuhverfi út í Hudson á með bleyjur einar að vopni!

13. Apríl, 2003
Loforð Davíðs um skattalækkanir.
Það er rétt að Davíð Oddsson hefur, eins og sumir segja, haft nægann tíma til að dútla að þessu áhugamáli sínu um skattalækkanir á einstaklinga, sem hann (eins og svo margir aðrir) lepur svo blátt áfram af áfergju úr herbúðum og dauða-skel fanatískra hægri manna í Suðurríkjum BNA. Tax cuts! No more Taxes! Tax and spend liberals! Kjaftæði! Þessir frasar eru frá verðbréfabröskurum og stórfyrirtækjafasistum komnir, í gegnum hagfræðinga með huldar áætlanir.
Spurningin er fyrst og fremst hvað er gert við okkar blessuðu skatta. Ef hagræðing næst og hægt er að fá betri menntun fyrir minna fé, betra heilsukerfi fyrir minna fé osfrv. þá er fyrst hægt að vera raunhæfur í tali um skattalækkanir. Annars er þetta bara niðurskurður á okkar borgaralegu og félagslegu gæðum.
Með sama áframhaldi verður farið að taka hjólhýsabyggð inní "skipulagið" á Íslandi eins og tíðkast í Bandaríkjunum!

13. Apríl, 2003 Nickel and Dimed, Barbara Ehrenreich.
	Var að klára Nickel and Dimed, mjög áhugaverða bók hjá rithöfundinum, Barbara Ehrenreich. Hún fer á atvinnumarkaðinn og kannar hvernig það er að lifa í Bandaríkjunum í láglaunastörfum. Þar kemur fram að um 20% Bandaríkjamanna eru rétt yfir lágmarkslaunum, milli $6 og $7 dollara á klst, það þýðir víst um $960- á mánuði fyrir skatta, útgreitt eitthvað um $700 launaseðill. Rétt dugar fyrir sjálfri leigunni. Hvað eru þetta? um 52,000 ísl. kr á mánuði í kerfi sem hefur enga sjúkratryggingu og afar takmarkaðann stuðning við fátæka foreldra. En margir samstarfsmanna Barböru, segir í bókinni, búa í bílum sínum eða rétt geta greitt leigu í hjólhýsi. Aðrir búa í einu herbergi innan um 3-4 aðra. Flestir hafa enga sjúkratryggingu og búa við skilyrði sem eru vart mannleg á Skandínavískann mælikvarða. Ótrúlegt að fólk í fullri vinnu og kannski 2-3 fullum störfum eru svo til á götunni! Hún vann m.a. hjá Walmart, fyrirtæki mjög hampað hjá Bush fjölskyldunni en lýsir slæmum atvinnuskilyrðum, vonleysi og örvæntingu starfsmanna.
Önnur áhugaverð staðreynd er að um 65% Bandaríkjamanna þéna undir $14- á tímann (ca. 1000 kr.) Sem er í raun rétt við fátækrarmörkin ef menn eru með einhverja normal kostnaðarliði, hvað þá námslán og íbúðarlán og 2-3 börn. Ekki alveg sama lína og áróðursstöðvar hérlendis (usa) spýja um velferðarríkið. Mæli sterklega með þessum lestri, auðlesin og skýr bók, meinfyndin á köflum. Og þvílíkt innsæi í Ameríkuna sem sést aldrei á Íslandi, og maður hefur aðeins kynnst á sínum fyrstu árum hér.

13. Apríl, 2003
Proof is in the piss?
Ok. Allir eru ánægðir með að Saddam er farinn. Óumdeilt. Áleitnar spurningar í dag varðandi Írak eru þessar:
1. Hvar eru kjarnorkuvopnaverksmiðjurnar og kjarnorkurannsóknarstofurnar?
2. Hvar eru efnavopnabirgðirnar, efnavopnaverksmiðjurnar og efnavopnaframleiðslan á trukkum eins og Powell lýsti hjá S.Þ.
3. Hvar eru efnavopnin sem Saddam átti að nota gegn bandamönnum í innrásinni?
4. Hvers vegna sagði Pentagon að líkfundurinn í Basra "had signs of torture and executions," þegar ljóst var að líkin voru úr stríðinu við Írani?
5. Hvar var mótstaðan? Þessi "hryllilegi" her var ómögulegur í neinni baráttu og kolféll.
6. Hvar eru tengslin við Ósama bin Laden?
Skrýtið þetta mannfólk. Náinn samstarfsmaður Hitler sagði að fyrstu 4 árin hafi hann verið mennskur, svo ofurmennskur og svo í lokin ómennskur. Bandaríkjastjórn er þessa dagana ofurmennsk. Vonandi finnast þó hræðilegu vopnin svo Bandaríkin missi ekki frekar álit í heiminum.

7. Apríl, 2003

Allt er gott sem kemur frá BNA.
Náði í þessa mynd á aljazeerah.info, hef ekki enn séð hana á Bandarískum stöðum eða í blöðum. Bannað að vera þjóðernissvikari þessa dagana þ.e. segja að ekki sé allt gott frá Ameríku. Landinu þar sem hinir viljugu (ólmu?) búa og hinir eru víst kommúnistar.

Hér er 12 ára Ali sem missti alla fjölskylduna, báða handleggi og er skaðbrenndur eftir sprengjuárás BNA. "Okkar skattpeningar." Manni verður óglatt að sjá svona.

Hefur einhver minnst á barnaníðinga? Child abuse? Eitthvað myndu Kanar segja ef Ali væri Bandarískur ríkisborgari. En hann er víst bara Arabi, mikið hataðir af könum "a-la indíanar", sbr Hollywood myndirnar með Swartzenegger, Rambó og Indiana Jones.

Æðislegt að Guð var með Bush í þessari frábæru krossferð! Til hamingju, runni. Olían er þess virði.

6. Apríl, 2003
Popp korn.
Þetta stríð hefur ekki og mun ekki drepa jafnmarga og hafa dáið vegna Saddam beint eða óbeint. Þetta stríð mun heldur ekki drepa jafnmarga og hafa dáið vegna fyrrum hernaðaraðgerða BNA í heiminum, beint eða óbeint. Hvernig sem því öllu saman líður, þá eru mörg þúsund manns þegar dauðir af völdum Bush, as we speak. Þeir voru drepnir með Bandarískum vopnum af Bandarískum hermönnum. My tax dollars at work.
Meira popp korn, einhver? *gnisk gnask*

6. Apríl, 2003
200 lík fundust í Basra.
Misjafn er fréttaflutningurinn. CNN+BBC+NBC gefa hiklaust stimpil um pyntingar og morð á almennum borgurum, rétt á eftir fréttum um að efnavopn hafi fundist, efnavopnaverksmiðjur, Saddam dauður í fyrstu hrinu, búist við eldflaugum með eiturgasi.... Svo allt dregið til baka í áróðursstríði og lygakjaftæði. Ekki veit ég lengur hverjum á að trúa, en hér er það sem ég fann fyrir tilviljun, það sem Íranir sjálfir segja um líkfund 200 líkkista í Basra:
TEHRAN -- A senior army commander has said that the remains of 200 people found by British troops in a barrack near Basra are those of Iranian soldiers killed in the 1980-88 Iran-Iraq war. Brigadier General Mirfeisal Baqerzadeh, the head of the Committee for Searching the Missing in Action, said that the bodies had been discovered over the recent months in joint recovery operations in Iran's Shalamcheh, and Iraq's Az-Zubair and Al-Faw.
http://www.tehrantimes.com/Description.asp?Da=4/7/03&Cat=2&Num=020 Er þetta satt, eða erum við öll biluð?
aka x, póstað á visir.is

Viðbót, þetta var svo birt á BBC og fleiri fjölmiðlum aðeins seinna í dag.

6. Apríl, 2003
Keilir í samanburði við WTC
Held þetta sé nokkuð nærri lagi réttum hlutföllum. Vann þetta á tölvu fyrr í dag.

5. Apríl, 2003
Frekari styrking á einokun fjölmiðla BNA.
New York Times er nú í opinberu máli til að hnekkja lögum um að sama fyrirtæki megi ekki eiga of mikið af fjölmiðlum. Lengi getur vont versnað. Amerísk media er nógu slöpp fyrir, hálftíma fréttatími er í raun 15 mínútur af auglýsingaskrani með æsifréttainnfyllingu.
Fljótlega mun fréttum vera stjórnað af tveimur mönnum í stað fjögurra! (smá ýkjur).

5. Apríl, 2003 Sent inn á visir.is
Um morality og hræsni.
Það er hið besta mál að það séu stjórnarskipti í landi þar sem slæmur einræðisherra eins og Saddam Hussein er við völd. Sérstaklega þar sem stórgróðafyrirtækjunum sem stjórna okkur eins og strengjadúkkum langar svo í ákveðna auðlind í því landinu? Minnist ekki á ákveðna aðra dúbíus punkta.
En fyrst þú, maður góður ert vonandi ekki tilbúinn til að láta slátra 18 ára barni þínu til að þóknast ákveðnum hrokafullum valdaklíkum, væri það vissulega hrein hræsni að halda að aðrir foreldrar eða systkini séu tilbúnir til hins sama. Hvort sem þeir eru Írakar eða ekki. Það sé bara sem þarf að gera?? Auðvelt að ráðleggja öðrum svona. Nú þegar hefur um 1000 óbreyttum borgurum verið slátrað (http://www.iraqbodycount.net). Guð veit hversu mörgum 20 ára strákum hefur verið stillt upp sem "hermönnum" að verja föðurland sitt til að vera svo sallaðir niður. AF OKKUR. Eru þeir 5000? Kannski 15,000 ungir menn? Þetta er bilun frá byrjun til enda og fyrir tilstilli ráðamanna Íslands erum við í hópnum sem miðar byssunum á þessa ungu menn og drepur þá. Svona fjöldamorð eru einnig hámark almennrar fyrirlitningar okkar á Aröbum.
Ég tel það góða foreldra sem neita að senda börn sín til slátrunar. Og verstu foreldra sem kveða það nauðsyn að VIÐ slátrum annara manna börnum.
Þar fyrir utan veit ég ekki hvernig Írak ógnaði okkur. Ef það var tímapunktur til að slá SH af valdastóli var það þegar hann framdi fjöldamorð á Shíitum 1991, þegar Bush1 gerði ekkert, eða 1993 þegar SH framdi fjöldamorð á Kúrdum, þá gerði Clinton ekki neitt heldur.
Mikið er talað um efna og sýklavopn og grýluvopn og allt annað og svo órökstuddu fullyrðinguna að Írakar tengist 9-11. Sú árás var reyndar framin með vasahnífum og Saudi Aröbum og Egyptum. Er ekki staðreyndin sú að það er mun líklegra að við öll drepumst úr Amerískri offitu frekar en að vera drepinn af einhverjum Íraka? Ó.Þ. New York

1. Apríl, 2003
Mummi veikur
Nú er öll fjölskyldan með áhyggjur af veikindum Mumma frænda, en ég veit hann braggar sig fínt. Skál Mummi minn, við drekkum smá rauðvín saman fyrr en varir...

3-31-03
Lífeyrissjóðirnir
Fyrst eftir að þessar umræðusíður (visir.is) opnuðu fyrir ca 3-4 árum síðan, þá skammaðist ég mikið yfir því að það ætti að nota fé lífeyrissjóðanna í fjárbrask verðbréfasvindlara. Hægri menn veittust að mér fyrir vikið, kváðu mig hálfvita, "að hugsa sér að menn séu kommúnistar enn þann dag í dag!" og allir vissu þeir betur en maður gerði, að lífeyrisþegar myndu lifa í sælgæti og gullhrúgum eins og Jóakim þegar þeir næðu 65 ára aldrinum. Kommúnisti -LOL, þessi er góður.
Nasdaq hefur fallið að jafnaði 30-40% síðan árið 2000. Og stefnir stíft niður á við.
Þessir talsmenn "frjálsa markaðarins" og fanatískir taslmenn þess að selja ríkiseignir köllum úti í bæ eru eitt það versta sem komið hefur fyrir Íslenskt þjóðfélag á sl. 15 árum. Enda hafa þeir að mestu þagnað hér á síðunum utan einn Japanann sem er ennþá að verja vonlausa eyju 1955. Held það sé Hrísey í Eyjafirði!
Það merkilega er að svo margir sjá ekkert þó bjálkinn standi í augunum. Skrýtið.
Svo sem ekkert skrýtið heldur að allt er að fara til helvítis með hægri mann sem Bandaríkjaforseta. Sama skeði með Reagan haustið 1987. Þeir einfaldlega kunna ekki að fara skynsamlega með fé og eignir almennings.

31. Mars, 2003. Hvernig standa forsetar BNA sig?		Stundum prenta ég þetta út og útbjó í gær þetta ágæta línurit DOW fjármálabraskmarkaðarins (pure volume) úr NYT og bætti sjálfur inní tímabilum forseta BNA síðan 1970. Sjálfum mér til fróðleiks. Með því sést að í tíð Clinton fór braskið upp upp og upp. Fjórfaldaðist. Í tíð Bush2 fer það niður niður niður. Tilviljun? Varla. Helst að þetta lýsi einhverjum vonlausum fjármálastefnum og almennu vantrausti meðal almennings og fjárfesta. Verðbréfafallið hefur lítið með 11 Sept að gera, var komið á hraðleið niður á við í byrjun 2001. Hefur fallið úr 12,000 hámarki niður í þetta 7500 eða 8000. Það er 33% fall! Einnig sést vöxtur í tíð Reagan, en það endaði með miklu verðbréfafalli í Okt 1987 og
kreppunni sem fylgdi á eftir fram til 1993 eða svo. Greinilegt að hægri mönnum er ekki treystandi fyrir almannafé eða að sjá til þess að stabílitet haldist í Bandarísku þjóðfélagi. Svo það er greinilegt að hægrimenn kunna ekki að fara með peninga hins opinbera, eins og sést á núverandi forsetastjórn, sem og á fjármálahruninu 1987-1991, eftir nokkurra ára valdasetu Reagan. Lítum svo á Ísland, menn bíða í biðröðum efir skurðaðgerðum því búið er að gefa fjöldann allann af tekjulindum ríkisins til handa einhverjum köllum útí bæ. Án tekjulindanna er ekki hægt að standa undir kostnaðinum og einhverjir menn útí bæ verða forríkir á kostnað hinna. Nota það svo í áróðursbragði til að reyna að klekkja á frekari ríkisrekstri. Svo halda margir að þessir ríku uppar séu fyrirmynd almennings og að hver sem er geti orðið ríkur. Þvílík blekking! 99% Kana halda að einhvern tímann verði þeir ríkir, meira segja allt fólkið í hjólhýsunum.

31. Mars, 2003
Heimsvaldastefna Bandaríkjanna?
Við skulum gera okkur grein fyrir grein fyrir nokkrum víðamiklum punktum:
1. Það er hrein stefna BNA að gera UN valdalaust leppráð BNA. "Divide and Conquer" eins og Napóleon sagði.
2. Það er stefna BNA að halda Rússum í eins miklum skít og hægt er. BNA vilja komast yfir olíuauðlindirnar umhverfis Kaspíahafið, þar er nýjasta gullæði stórfyrirtækjanna sem leigðu Bush til að gera sitt dirty djobb.
3. Stríðið í Írak er hluti af gullæði olíufyrirtækjanna, sem og að vernda morðingjana í Ísrael undir trúarlegum væng hægri fanatíkkera inna BNA.
4. Það er hrein stefna BNA að splitta Evrópu, því hún yrði annars sterkari en BNA og þ.a.l. samkeppnishæf á öllum sviðum. Sést best á atburðum undanfarinna mánuða og áróðri fyrir hroka gegn Frökkum almennt.
5. Þetta er eins og stefna hvers annars fyrirtækis, helsta takmarkið er einokun. Einokun gefur mest í pyngjur nokkurra auðmanna. Hinir aumingjarnir geta farið til fjandans. X

29. Mars, 2003
Hneta
Fundum þessa hnetu um daginn. Ætli þetta sé peanut eða walnut? Svona vex á um 6 vikum eftir að fræinu er sáð.

28. Mars, 2003 Salif Keita: Moffou
	Mikið andskoti er þetta ótrúlega góður diskur. Mæli með þessari tónlist fyrir þá sem hafa áhuga á að hlusta á tónlist sem kemur frá Afríku. Ath, þetta er ekki Afríku popp-garg heldur mjög ethnic í blandi af góðri stúdíó og instrumental vinnu.

28. Mars, 2003
Íraksdæmið í hnotskurn.
Eins og það er séð í dag. Og á morgun líka. Vonandi endar þetta vel!

Teiknað með bleki á pappír.

Update, þessi teikning var svo birt á WNYC vefsíðunni um War Art.

25 mars, 2003
Stríðið í Írak á fullu. Þetta er ljótt.
Hvernig er það okkar að hjálpa 3ja heims landi með sprengjuregni þúsunda sprengja?? Er ekki sprengjuregn "weapons of mass destruction?"
BNA slátraði 650 ungum mönnum í gær. Fréttablöð á borð við New York Post slógu upp heilsíðufyrirsögn WIPEOUT! að framan og svo íþróttafrétt að aftan. Íþróttaandinn ræður ferðinni á tveimur vígstöðvum. BNA slátraði mönnum sem "börðust fyrir sitt föðurland," eða sagt að berjast eða... þeim var slátrað með fjarstýrðum sprengjum Bandaríkjanna, framleiddum af "frjálsa markaðs" apparati verðbréfagróða og gróðahyggju GM, GE, Lockheed Martin, Microsoft, Boeing ofl.
Varla heillar sandurinn svona mikið, eða er áætlunin að nota sandstrendur Íraks í sandkastalasamkeppni? Varla. BNA ræðst með ofstopa inn í land sem ekki hefur gert BNA mein. Og ekki hafa enn fundist þessi efnavopn, og ekki hefur ógnarstjórn Íraks notað þau enn sem komið er. Vonandi breytist það ekki. Mér sýnist Bush hafa tekið við agni Bin Laden, sá vildi berjast við Bandaríkjamenn á Arabalandi eins og hann barðist við Afghani. Úff.
Haliburton, olíufyrirtækið sem borgaði/mútaði Dick Cheney með 20 milljónir bandaríkjadala "eftirlaunum" árið 1999 fær stóra olíusamninga í Írak eftir stríð. Olíunni verður stolið frá þessum "araba aumingjum" í krafti valdsins sem talar í gegnum heilalausann runna á Þvottá. Ef þetta er ekki spilling, þá hefur orðið "spilling" enga merkingu.
"Frjálsi markaðurinn" keypti sér jú líka eitt stk. forseta. Nú vill "frjálsi markaðurinn" olíuna í Írak. Til þess að fá hana eru framtaksmenn frjálsa markaðarins viljugir til að slátra þúsundum manns og ljúga að Amerískum almenningi í gegnum háreystisgarg "umræðu"þætti. Sömu menn og keyptu forsetann eiga allar helstu sjónvarpsstöðvar og dagblöð í Bandaríkjunum. Auði er safnað á fárra hendur, yfirstéttarinnar, sem hefur þann fína smekk að hafa talent fyrir að græða peninga. Hvaða barn sem er veit að græðginni fylgir óheiðarleiki, lygar, morð.
Afghanistan var "frelsað" til að Unocal geti lagt olíuleiðslu frá Uzbekistan. Kanar hafa enda ekki gert neitt til uppbyggingar í Afghanistan. Forsetinn lagði ekki einu sinni fram peninga í sínum fjárögum fyrir komandi ár. Þingið greip í taumana og samþykkti að senda einhverja smáupphæð. Svo þá er bara eftir að minnast á olíuleiðsluna sem Talíbanarnir stoppuðu af ca. 1997 og er í dag lögð af UNOCAL. Ég minni á að forseti Afghanistan vann áður hjá UNOCAL. Augljóst að Osama var tylliástæða innrásarinnar, áróðurinn gegn Talíbönunum hófst enda löngu fyrir 9-11 með fréttum um ofbeldi gegn konum og eyðileggingu á fornleifum. En olíuauðinum skal safnað, hvað sem á bjátar, nota skal hvaða afsökun sem er.
Og næsta skrefið er svo að "frelsa" Íran. Í stóru myndinni er Íran besta tengingin í olíuríkt Kaspíahafið, mmmm. Auðvelt að stjórna þeirri innrásinni frá Írak, Tyrklandi og Afghanistan. Íran er umkringt. Olían er eins góð á bragðið og blóðið sem mun renna undir olíuleiðslunum og stirðna undir hælum fasistaherrum auðvaldsins í Bandaríkjunum.
Þess sem hálfvitarnir á frjalshyggja.is tilbiðja í sínum fávísa draumi Kringlumóðu og Kópavogs-typpahöll.

3-24-2003
Aljazeerah og grein mín þar.
Svargrein mín á Aljazeerah.info Kvartaði yfir lélegri grein þeirra, þeir klipptu út mest af kvörtuninni. Jæja þá, ætli maður sé þá ekki bara kominn á svartann lista hjá FBI?

24 Mars, 2003
Zbigniew Brzezinski.

Hér kemur bók sem ég er að klára. Brzezinski, af Pólskum ættum, var fyrrverandi ráðgjafi og stjórnarmeðlimur Carter, Reagan og Bush1. Þessi Rússahatari ræðir hér um nauðsyn þess að Bandaríkin taki yfir stjórn heimsins. Lebensraumið hans er í löndum eins og Kasakstan og olíulöndunum þar fyrir sunnan, að Kaspíahafi, Afghanistan (gefin út 1997) og að Persaflóa. Greinilegt að þessi maður er hættulegur heimsfriðinum. Eða er hann bara að tala fyrir hönd þeirra sem eru það? En eitt af því sem lýsir honum best er þetta: "Western Europe [is] unable to overcome the state sponsored ... social structure [and a] cultural condition that combines escapist hedonism with spiritual emptiness." Helvítis bjáni, eins og raðirnar af McDonalds veitingastöðum hafi eitthvað spiritually fullfilling?? Mæli þó sterklega með þessari bók með þessum varnaðarorðum: Þetta er Scrabble Nörd sem hefur einstrengislega heimssýn í þágu sérhagsmunaafla. Sömu afla og búa á bak við núverandi apaheila; Bush2. Hann útskýrir þó þörfina fyrir olíuleiðsluna í gegnum Afghanistan. Góð rök fyrir henni ef maður er frá Texas. Ég trúi því ekki aðgóður Kani fari á línu við þetta.

20. Mars, 2003.
Nauðungarflutningar.
Einhver bryddaði upp á að jarðgöng til smábæja úti á landi væru sóun á almannafé. Svo voru ansi margir sem kváðu Vestfjarðargöngin flýta fyrir landsflótta til Reykjavíkur, þetta var djók manna á milli þegar hugmyndin að göngunum kom fyrst upp. Og svo það að betra væri að flytja alla frá smáþorpunum eða úr sveitinni í borgina. Seinna umræðuefnið hefur verið rætt áratugunum saman og má finna í umræðu allt því fyrir fyrri heimstyrjöldina.
En svona NAUÐUNGARFLUTNINGAUMRÆÐA minnir mig alltaf á hugarfar harðstjóra heimsins, sem flytur fólk nauðugt af heimilum sínum og svæðum sem það bjó á í aldaraðir í tugi ættliða. Rökin hafa í áratugi verið þau sömu hjá þessum öflum að það sé verið að hagræða og þess vegna eigi að flytja Jón og Stínu á mölina og burtu úr "volæðinu." Í staðinn fyrir að huga að hvernig megi reka stoðum undir staðina.
Það er nú óvart undir einstaklingunum sjálfum hvort þeir flytja af uppeldissvæðum sínum, en einmitt ekki okkar hinna að ákveða það eða með vanhugsaðri umræðu að ýta undir eyðingu smærri samfélaga út um land allt. Þá kýs ég að líta á bæ eins og Ísafjörð, með sínum sérstaka miðbæ, sem hreinann menningararf sem beri að vernda. Hvert þorp hefur sín sérkenni og er ekki endilega þetta "volæði" þótt ekki sé McDonalds eða KFC til að fita-upp íbúa plássanna. Kringlan og Smáralind eru svo sem ekkert nema volæðið eitt ef þú vilt mitt álit. Að fara í eitthvað shopping mall til að fita sig upp er ekkert betra líf, en að vera í sterkum tengslum við náttúru landsins.

15. Mars, 2003
Pocket Clock
Hef verið að senda út kort með hinni frábæru nýju gúmmí Pocket Clock og að hana megi finna á netinu www.dingaling.net/pocketclock.htm í ýmsum gerðum. Fyrir $ 185 stk. ef menn hafa áhuga þá er bara að spyrja. sveigjanlegt gúmmí, glært í ýmsum litum. Þessi veggklukka er með vasa, er ekki til að setja ofan í vasa.

Pocket clock

17. Mars. 2003
Hetjur Tvíburaturnanna
Stór skilti með nöfnum fórnarlambanna eru á girðingunni kringum WTC. Efst stendur "Heroes of the world Trade Center". Nú spyr ég aftur, er einkaritari þá einhver hetja, ef henni er kálað af einhverjum morðingja?? Varla rétt skilgreining. Þreytandi svona svarthvítt mentalitet. Ég skil ef rætt er um slökkviliðsmenn sem hetjur því þeir stóðu sig eins og hetjur. En að allir 3000 séu hetjur? Kommon...

20. Mars, 2003
Morgunblaðsviðtal.
Morgunblaðið 20 Mars, 2003 smá viðtal vegna stríðsins Morgunblaðið 20 Mars, 2003 Ekki vegna afmælisins! Yo..

Laugardagur, 1 Mars, 2003
Það er þrenns konar fólk í heiminum.
Í fyrsta lagi er fólk sem fer stystu leið milli A og B, sleppir öllu á milli.
Í öðru lagi er fólk sem byrjar á A og fer í tiltölulega beinni reglusamri röð í alla stafi í Ö.
Þriðji hópurinn byrjar á A eða byrjar á G og hringsólast inn á suma aðra stafina, sumir slysast að ná B við og við, slysast kannski á P, en ná ekki Ö.

Fimmtudagur, 27 Febrúar, 2003
"Vinstri menn eru ófærir um ríkisbókhaldið"
Já það er merkilegt hvernig vindhanar íhaldsins blása í kór sínum heilasápukúlur út um sitt hvort eyrað um hvað vinstri menn séu ófærir um ríkisbókhaldið. Þetta er gömul úrelt klysja sem notar oftast Sovét-einræðisþjóðfélagið sem dæmi. Lélegt dæmið það.

En við skulum líta á nokkur dæmi um hægri íhaldsstjórnir í Bandaríkjunum, þaðan sem ég skrifa:

Á árunum 1920-1931 voru íhaldsforsetar og Þingstjórnirnar í höndum íhaldsins. Þetta voru miklir gúmmí-uppgangstímar. Sama var upp á teningnum; "vinstri menn óhæfir til alls", "lækkum skatta", "minnkum ríkisumsvif!" en svo datt botninn undan efnahagssérfræðingunum. Forsetarnir Warren Harding (repblíkani) 1921-1923 og Calvin Coolidge (repúblíkani) 1923-1929 og Herbert Hoover (repúblíkani) 1929-1933 eru ekki beint taldir til merkilegri forseta Bandaríkjanna en allir blésu þeir í sama sleflúður um "skattalækkanir" og "minni ríkisafskipti". Og hvað "vinstri menn geta ekkert í fjármálum." Þessir kallar voru einstaklega óheiðarlegir og er Harding einna verstur af þeim. Svo skall elsku kreppan á og menn gerðu sig grein fyrir að allir frasarnir voru bara plat, auðmenn notuðu svona vitleysu til að drýgja pyngju sína og almenningur var svo vitlaus að trúa þeim. Almenningur tapaði en auðmennirnir græddu á tá og fingri (nema þeir nýríku).

Íhaldstímabilið endaði í skelfingu kreppunnar miklu þar sem einhver umræða um verðbréf varð kjaftæði eitt miðað við þær hörmungar sem alþýða þurfti að líða, svöng, atvinnulaus, missti húsin sín, bóndabýlin, fólk dó langt fyrir aldur fram úr svelti, aukinn ungbarnadauði osfrv. Það er þá fjárvitið!

Svo löngu seinna þegar 1920-1930 kynslóðin var komin í ruggustólana og almenningur búinn að gleyma bullinu í bröskurunum kom upp annað stórmerkilegt hægri tímabil forseta, með Reagan-Bush 1980-1992. "lækkum skatta", "minnkum ríkisumsvif", bla bla... Miklir gúmmí-uppgangstímar áttu sér þá einnig stað sem m.a. enduðu í algjöru rugli, m.a. með "savings and loans" svindlinu alræmda og haustið 1987 datt botninn úr ævintýrinu með blautri ræpu í verðbréfabraskaraprumpinu. Bara Savings and Loans svindlið kostaði þjóðfélagið gríðarlega fjármuni og kreppan skall svo á 1990 af fullum krafti. Sjálfur man ég sérstaklega eftir að horfa á árið 1991 umsækjendur í búsáhaldaverslun, þar sem biðröðin náði 2 blocks, þ.e. um 1/2 km, fyrir örfá störf í einhverri venjulegri búð. Á lágmarkslaunum! Svo þá um kvöldið hélt Bush eldri ræðu þar sem hann kvað efnahaginn í góðum málum og allt í himna lagi. Stríð skall á sem með eftirhala hefur kostað um 1 milljón mannslífa eins og allir vita. Ekki löguðust efnahagsmálin fyrr en um 1995 eftir gríðarleg vandamál sem aldrei hafa fengið næga umfjöllun í fjölmiðlum en aðeins rétt dreypt á í afmörkuðum félagsrannsóknum í BNA.
Svo nú í dag höfum við annað tímabil Repúblíkana, "snillinganna með fjármálagetu". Efnahagur BNA er á hraðri niðurleið eftir einungis 2ja ára setu Bush, skuldir ríkissjóðs hafa þeyst úr miklum hagnaði í mestu skuldir sögunnar og ríkisbáknið er þanið í ystu æsar í lögregluríkinu USA. Stríð eru yfirvofandi og heimsöryggi er á það hálli braut að enginn er lengur klikkaður ef hann bryddar upp á orðunum WW3. Auðmenn græða á tá og fingri, fá gríðarlegar skattalækkanir, selja mikið af vopnum og sjá fyrir mikinn hagnað af olíusölum og hvernig endar þetta? Geturðu giskað?
Já sagan endurtekur sig. Hægrimenn kunna að fara með ríkiskassann heim til vina sinna útí bæ. Þeir gefa þjóðareignir einhverjum köllum sem vilja það eitt hafa með okkur að gera að hafa okkur að féþúfum. Selja sálu sína skrattanum í foraði lyga og kjaftæðis sölumannsins.

Mánudagur, 24 Febrúar, 2003
Atvinnuleysið
Nú hva, nú á ríkið að fara að skaffa atvinnu handa atvinnulausum. Á ríkið þá loksins að fara að krukka í atvinnumálum landsmanna? Er það í lagi? Er ekki stefnan stuttpilsnahommanna að losa okkur við óþverrann sem helvítis ríkið er?
Eða er þetta staðfesting á því sem ég hef verið að segja í áraraðir: Fanatíska "frjáls"hyggjan er feilstefna og stórhættuleg öllum landsmönnum nema þröngum hóp auðmanna.
Ekki koma þeir hlaupandi til að hjálpa þeim atvinnulausu, ekki einu sinni þessi forstjóri verðbréfasvikamillunnar. Hann spilar sig flott á þessum atvinnuleysistímum; það á að "borga honum eins og menn gera erlendis". Innantómt froðusnakk! Og með aukinni einkavæðingu í gæsalöppum eykst atvinnuleysi einkavæddra starfskrafta.
Með bjálkann í augunum standa þeir teinréttir á Háaleitisbraut 1 og garga í kór: "Ég sé ljósið, ég sé ljósið!!" x

Sunnudagur, 23 Febrúar, 2003
Ofurtrúin á markaðskerfið
Ég er alls ekkert á móti markaðskerfi hvers konar. Það er af og frá. Ég er þó á móti því að einfalda lífið svo mikið að trúa blint á að hagkerfi ríkra stórgróðaamanna bjargi okkur frá öllum ágöllum lífsins. Það er alltaf talað um sem sjálfsagðann hlut að einkavæða allann andskotann eins og það leysi gerfivandamálin sem eru búin til áður en einhver einkaaðili tekur yfir eign sem tilheyrir þjóðinni sem heild.
Markaðskerfið sem trúarbrögð (eins og á frjálshyggja.is) er álíka útópía og kommúnisminn, lagar ekkert eitt sér, heldur verðum við að læra af mistökum þess og jafna út hversu mikill ríkisrekstur er góður og hversu mikill markaðsrekstur er góður NB: Fyrir sem flesta þjóðfélagsþegna. Friedman/Hazlitt/Hannes eiga það svo allir sameiginlegt að einfalda hlutina of mikið. Til dæmis ganga þeir út frá því að peningamenn og viðskiptamenn séu voðalega heiðarlegir. Náttúrulega alveg fáránlegur útgangspunktur eins og ógrynni dæma taka allann vafa af. Í bók Hazlitt Economics 101 segir hann blátt áfram að allir vilji vera í heiðarlegum viðskiptum og að flestallir menn séu heiðarlegir í sínum viðskiptum. En það er gömul viska að af aurum verður margur púki og vald spillir. Þetta er bara í eðli dýrsins sem við köllum manninn.

Sunnudagur, 23 Febrúar, 2003
Frumþörfin og kaupæðið.
Frumþörfum eins og fötum, mat og húsnæði er vel hægt að halda í ótrúlega lágum tölum. Húsnæðið sjálft hleður svo utan á sig gerfiþörfum (bleik klósett, marmarabað, heitur pottur...), fötin hlaða utan á sig gerfiþörfum (fínt merki, Ítalskir skór, tískusveiflur...), matur líka (sérstaklega ef menn borða mikið á "fínum" veitingastöðum). En við erum víst meira af Írskum og Norskum genum frekar en Skoskum eða Gyðingagenum (smá djók) og elskum að eyða peningum og spila okkur flott.
Hégómi er lykilorðið í að skilgreina á milli þess sem er frumþörf eða gerfiþörf. Svo er áhugavert að skilgreiningin á hégóma breytist með tímanum.
En ef við skilgreinum frumþörfina sem mengi, þá fara mörk þess sí-stækkandi í réttu hlutfalli við aukið auglýsingakjaftæði.
Fréttablaðið er t.d. verið að skilgreina sem byggt á frumþörf af því "það borgar sig sjálft". En að nánar skoðuðu máli er t.d. nýstofnað Fréttablaðið á einni leið, sem er; að verða málpípa auglýsenda. Þetta er ekkert nýtt fyrirbæri. Dagblað sem slíkt á að snúast fyrst og fremst um fréttir sem frumþörf, ekki snúast um "hvernig það er rekið fjárhagslega" sem frumþörf.

Sunnudagur, 23 Febrúar, 2003
Tyrkjum boðinn peningur.
Með öllum þeim óleystuþjóðfélagsvandamálum sem eru til staðar í BNA, þá er klikkun að bjóða Tyrkjum 24,000,000,000 bandaríkjadala til að fá afnot af svæði þeirra. Tyrkir eru þekktir fyrir mannréttindabrot af verstu sort og peningunum væri betur eytt í að bæta líf sjálfra Kana. Að maður minnist ekki á allann þann pening sem fer í allt stríðið. Þetta er klikkun. Til viðmiðunar er af vefsíðu CIA heildar GDP íslands minna en þriðjungur þesarar upphæðar. Annað eins skiptir máli maður. Svo er sífellt verið að skera við nögl í opinbera geiranum í USA því ekki eru til peningar í "bruðl."

Sunnudagur, 23. Febrúar, 2003
Olíufélögin svindla
Það er ekkert vitlaust að neytendur taki upp skilti og breyti kauphegðan vegna uppljóstrunar á svindli olíufélaganna á Íslandi, einhverjir stinga upp á að við hættum að kaupa bensín í einn dag eða þ.h.
En hér kemur enn og aftur hlutverk ríkisvaldsins "óvins auðmannsins" því það ber jú að setja strangari reglur um svona auðgunarbrot. Ég er á því að reglurnar eigi að sekta alla, allt niður í hlutafjáreigendur. Annars fer heiðarleikinn út um gluggann. Ekki að hann sé ekki þegar kominn þangað hálfa leið.
Þetta er samt gott dæmi um að fyrirtæki vilja minni ríkisafskipti. Minni ríkisafskipti koma svo á endanum peningamönnum vel en þegnunum í koll, sama hvað þeóríur Friedman/Hazlitt/Hannesar eru að halda fram. Hagfræðin er náttúrulega bara þeóríufag, ekki raungrein.

Sunnudagur, 23. Febrúar, 2003
Bera neytendur auglýsingakostnað?
Áhugaverð spurning sem einhver bryddaði uppá í sambandi við Fréttablaðið.
Mest af því sem auglýst er, er ekkert brúkhæft nema til skamms tíma, og reyndar margt af því einungis til að svala einhverri kaupþörf sem er jú mjög ánetjandi. Auglýsendur vita vel að þeir eru að reyna að plata fólk til að kaupa eithvað drasl. Einn frægasti auglýsendafrasinn er frá nýlátnum Jay Chiat og titill á bók hans "Creating Desire". Búum til þörfina.
Auglýsingar niðurgreiða svo sannarlega vöruverð á þeim vörum sem seljast grimmt. Það væri rökrétt. En á hinum vörunum sem lítið seljast leggst auglýsingakostnaður beint ofan á vöruverðið. Hvar annars staðar ætti það að leggjast? Svo jafnast það yfir á aðrar vörur sem seljast meira og kannski bera uppi vörur sem seljast ekki.
Því væri því rétt að segja að neytendur borgi auglýsingakostnað. Stundum greiða þeir það niður, stundum upp. Sem dæmi má nefna þá fjölmörgu sem hafa sprengt kreditkort sín með kaupum á alls kyns drasli sem þeir áttuðu sig ekki á að þeir voru gabbaðir til að kaupa. Margt fólk er á ystu nöf fjárhagslega því það var ekki frætt um og er ekki stöðugt minnt á hvernig eigi að fara með peninga áður en það fékk aukin fjárráð til að sökkva í skuldafeni. Það má hæglega færa rök fyrir því, í vissum skilningi, að það er hár reikningur á neytendurna að hleypa á þá sölumönnum sem eru sérfræðingar í peningaplokki.

Föstudagur 21. Febrúar, 2003
The Station, Rhode Island
Í gær brann tónlistarstaður í Rhode Island, ekki langt frá Providence. nærri 100 manns brunnu/köfnuðu/tróðust til bana. Þetta er ekki langt frá RISD og einhverjar líkur eru á að sumir nemenda minna stundi þennan stað. Vonandi var enginn þeirra þarna. Úff. Svona atburðir gera mann taugaveiklaðann og ég er að muna að ekki eru eldvarnir upp á það besta hér í byggingunni hjá okkur. Þarf að kaupa reipi til að setja í gluggana svo við komumst út ef með þarf. Kaninn þarf greinilega að lappa uppá eldvarnir, ekki er nægilega fylgst með þessu því skorið er við nögl með eftirliti frá hinu opinbera.

16 Febrúar, 2003
Olían
Einhver minntist á að það er nauðsynlegt að einhver sjái til þess að við fáum aðgang að olíunni til að viðhalda stöðugleika í efnahagslífi Vesturlanda. Mér skilst að Rubert Murdoch hafi gefið út þessa yfirlýsingu.
Já, já, það er eðlilegur hlutur að kaupa olíu af nágrannanum sem hefur svörtu drulluna í bakgarðinum sínum.
Annað mál er að ráðast inn á heimili hans, skjóta dótturina, aflífa eiginkonuna, drepa elsta soninn og skilja yngstu dótturina í hjólastól eftir að hún horfði á aftökusveitir sjá um að ganga frá húsráðandanum og svo kveikja í húsinu. Það er nauðsynlegt segja menn að einhver sjái um svona voðaverk til að ná olíu nágrannans, til að það sé stöðugleiki á markaðssvæði svo við getum verið frjáls til að kaupa okkur meira drasl og glingur í Kringlunni, segja þeir... Hmmm.
Við höfum reyndar nóg í okkur að spæna miðað við þennan nágranna okkar.
Ekki svo gleyma því að þegar yngsti sonur nágrannans vex úr grasi, þá hefnir hann fyrir voðaverkin, eins og gerðist 11. September 2001. Svo lengi sem hann er nógu trúaður á land og guð.
En maður má ekki vera auðtrúa með Ameríska sölumanninn og ektasvindlarann hann Bush. Sá er með trix falin uppí báðum ermum. Ef við skoðum ræðu-crescendo hans í þinginu um daginn, þá sést að orðið "vetni" var notað rétt áður en stríðsöxin var grafin upp úr foraðinu. Lofaði rannsóknum á vetnisvélum rétt áður en hann dró Saddam grýluna innan úr erminni.
Eða eins og Charles Bukowski sagði: "First we give them a taste of honey, and then the knife."
Ef Runni virkliega meinti Vetni, þá hefði hann gefið út þá yfirlýsingu að helmingur Kana myndi keyra um á vetnisbílum eftir 10 ár, það væri sett í þetta jafngildi geimferðastefnu JFK. En Runninn sagði ekkert slíkt, bara notaði áróðursbragð handa þeim auðtrúa. Sölumaðurinn lýgur alltaf til að selja þér það sem þú þarft ekki á að halda.
Í staðinn, þá er stefnan að slátra mörgþúsund manns og græða heilmikið á þýfinu sem fæst í kjölfarið. Fá aðgang að Persaflóaolíunni, vernda Ísrael og ráða yfir miðausturlöndum. Heimsvaldastefna?
En morð er morð, hvaða nafni sem maður kallar það. x

Sunnudagur, 16. Febrúar, 2003
Myndir frá Manhattan.
Í kvöld byrjaði að snjóa hér á Manhattan, helvítis kuldi er þetta undanfarið. Að jafnaði 5-15 stiga frost, hífandi rok. Ég smellti af þessum prýðisgóðu myndum hér í hverfinu í snjókomunni fyrr um kvöldið. Lág upplausn á þeim hér:

Fyrir utan húsið okkar, DT í
glugganum

Battery Park

Horft upp að Broadway

Horft niður Trinity Place.

Battery Park, minnismerki wtc, merkilega heill skúlptúr sem stóð áður við turnana.

Laugardagur, 15 Febrúar, 2003
Stríðsmótmælin.
Fór með Joe í mótmælagöngu gegn stríðinu. Helst til margir trúargaularar með sértengingu í Gvöð, en frábærir ræðumenn voru t.d. Julian Bond og Desmond Tutu. Vorum frekar nálægt sviðinu (innan við 1 km!) miðað við allt fólkið sem ekki var hleypt inn á svæðið. Maður rétt sá í ræðumennina. Þegar við fórum voru flestir enn að hlýða á ræður og slíkt, fórum út fyrir girðingarnar /tálmana sem Lögreglan setti upp og þar fyrir utan var fólk á ráfi með skilti. Ótrúlegur fólksfjöldi enda ekkert skrýtið því um 75% New York búa eru á móti þessu stríðsbrölti. Ætli New York Times segi ekki að 1000 manns hafi verið þarna, þegar nærri lítur að hálf milljón hafi sýnt sig, þar með talinn sá aragrúi sem ekki komst inná formlega mótmælasvæðið á 1. Avenue.


t.v. risastórt sjónvarp, hér sést blökkumaðurinn Julian Bond, frábær ræðumaður	t.h. Við Joe í hörkufrosti Helvítis kuldi er þetta!

Föstudagur 14. Febrúar, 2003
Tyrkjaskrattar.
"Lögreglan í Istanbul í Tyrklandi handtók 45 manns í dag í mótmælum gegn árás á Írak. Mótmælendur segja að lögreglan hafi beitt þá ofbeldi, lamið þá og sprautað táragasi á þá." (visir.is 13 feb)
Þetta er ekkert nýtt. Tyrkneska stjórnin er þekkt fyrir ofbeldi gegn þegnum sínum. Hæst ber meðferð þeirra á Kúrdum, en Tyrkir hafa slátrað þeim í massavís, og það jafnvel á allra síðustu árum. Her Tyrkja hefur áratugum saman farið um Kúrdistan og myrt fólk, sýstematískt nauðgað konum, eytt heilu þorpunum, svona eins og nasistar í Sovét í gamla daga, á eitthvað minni skala.
Nú á NATÓ að gefa Tyrkjum stórar fjárupphæðir og stuðning í hernaðarútlátum. Hvernig stendur á því að við Íslendingar greiðum jáatkvæði fyrir styrkjum til handa svona ógnarstjórn eins og þrífst í Tyrklandi? Belgía, Frakkland, Þýskaland hafa ein landa kjark til að segja nei, en litla Ísland situr eins og aumingi og segir já og Bush tekur okkur í rass. Hvenær lýsa Múhameðstrúarmenn yfir einhverjum skít á Ísland? Icelandair?
Nei, þetta er ljót sýning. Á hvaða manni hvílir þessi ákvörðun að setja okkur öll í kjól kanamellunnar? Davíðs? Og það þegar íslendingar almennt eru ekkert tilbúnir í sð styðja svona stríðsviðbjóð. x

Föstudagur 14. Febrúar, 2003
Bush-stjórnin lagði ekki fram aðstoð við Afghanistan í fjárlagafrumvarpi sínu.
Bush lofaði gulli og grænum skógum, uppbyggingu í Afghanistan, menntun allra barna þar...en úps! "Gleymdist" að setja til pening í verkefnið. Whoah mama. Skv vefsíðu BBC greip Ameríka þingið því inní og samþykkti um 300 milljón Bandaríkjadala styrk fyrir árið. Heildar aðstoð BNA við þróunarlönd, þ.m.t. stærsta styrkþeganum Ísrael, eru um 16,000 milljónir Bandaríkjadala.
Samkvæmt vefsíðu CIA um Ísland er GDP Íslands (til samanburðar) um 7,000 milljónir Bandaríkjadala.
Það er greinilegt að þessar 300 milljónir til Afghanistan (ca. $10- á hvert mannsbarn þar) munu duga skammt. Stjórn BNA er löngu búin að gleyma þessum "þjófum". Gott fyrir grasserandi og áframhaldandi kanahatur þar í landi og uppskrift að hræðilegu áframhaldi á glataðri utanríkisstefnu Bush og Co.
En allavega fengu Bandarísk fyrirtæki tækifæri til að græða og UNOCAL er að leggja olíuleiðsluna frá Kaspíahafi til Pakistan. Smá auka bónus sem var bara "tilviljun".
Til gamans má svo minna aftur og aftur og aftur á að Hamid Karzai, leiðtogi Afghanska "lýðræðisins" er fyrrum starfsmaður UNOCAL (United Oil of California). Spennandi verður að sjá hvernig þetta þróast, sérstaklega spennandi hvernig stjórnir BNA munu gefa skít í Írak eftir að þeir hafa komið upp sýnum olíuturnum eftir sigursæla för til Babýlon. ?. Okkur Könum gekk nú ekki vel í Sómalíu, landi ríku af olíu og þungamálmum, í síðustu misgjörðum þáfarandi Bush forseta eldri. x

Föstudagur 14. Febrúar, 2003
Kjaftæðið um atvinnuleysið í Evrópu vs. Ameríku.
Mikið hafa hægri menn rætt hvað atvinnuleysið sé hræðilegt í Frakklandi og Þýskalandi. Benda á BNA og segja 6% þar vera miklu betra.

En skoðum málið nánar.

Atvinnuleysisbætur í BNA hætta eftir 6 mánuði. 6 mánuðir og svo ekkert meir, takk fyrir. Nema gatan eða einhver til að búa inn á. Að jafnaði eru þannig um 4-6% sem hafa gefist upp á að leita að vinnu eða eru ekki lengur á atvinnuleysisskrá. Hvað verður um þá? Tjah, er ekki alltaf til nóg af pappakössum til að búa í?
5,4% atvinnufærra manna í USA eru í fangelsi, eða á probation (Skv. Nils Christie: Crime Control as Industry, bl.35). Ekki vinna menn mikið á þeim bæ og ekki eru þessir menn mikið inni í opinberu tölunum. Það er u.þ.b. 2 milljónir í fangelsi og um 3 milljónir á probation, aðallega ungir menn sem í atvinnuleysi enduðu í rugli og svo í fangelsi, eins og ferlið er jú hjá fátækari stéttunum eins og blökkumönnum og stórum hóp spænskumælandi fólks.
Ef við leggjum þetta svo saman þá eru tölur í BNA á milli 12% og 17% yfir atvinnufært fólk sem er ekki í vinnu.
Mér þótti fróðlegt að benda á þetta svo menn viti hvað þeir eru að ræða. Hagfræðiþeóríur Hannesar, Friedman og stuttbuxnadrengjanna ganga ekki upp, hvað sem Henry Hazlitt hugsar mikið í peningaórum vina sinna. x

9. febrúar, 2003
Point dagsins varðandi lýðræði og stefnuna í Írak:
Það eina sem innrásin hugsanlega hjálpar Írökum er að margir þeira fá loksins að borða eitthvað almennilegt eftir viðskiptaþvinganir síðasta áratugar, sem N.B. hefur kostað um EINA MILLJÓN MANNSLÍFA.
1,000,000 manns; Sem svara þreföldu Íslandi. Pælið í þessu, hjá 24 milljón manna þjóð.
Ekki settu Kanar upp lýðræði í Kuwait, hvers vegna ættu þeir að gera það í Írak? Má þó alltaf vona... Svo er jú ekki eins og Kanar séu sérlega vinsælir hjá Írökum, enda flestir misst einhverja náskylda vegna sprengjuregns frá USA eða viðskiptaþvingana. Landið er í rúst vegna þess að Kanar otuðu saman Írak og Íran (út af olíu) og sprengdu svo restina sjálfir. Kannski er allt hægt með nógu miklum auglýsingaáróðri þar, með hvað allt sé æðislegt í Ameríku, þangað sem allir vilja flytja. En það gleymist líka að meirihluti Íraka eru 97% múslimar. Hvað ætli þeir myndu kjósa yfir sig? Kvennalistann? Tekur ekki einmitt áratug(i) að byggja upp innfrastrúktúrinn sem m.a. var sprengdur í loft upp 1991?
Ekki svo gleyma þessum staðreyndum varðandi olíustjórnina í Washington, þetta lið tengist allt orkugeiranum:
Bush eldri hefur löngum unnið fyrir Carlyle Group, skuggalegum auðhring sem hefur gríðarleg ítök og áhrif undir borðið um heim allann, m.a. haft mikil viðskipti við Saudi, þ.m.t. Bin Laden fjölskylduna.
-Bush yngri vann hjá Harken Energy Corporation. Fyrst var hann með eigin olíu fyrirtæki ca ´79, sem hét Arbusto (runni á spænsku-LOL) en það rann á hausinn.
-Cheney hjá Haliburton. Fékk þaðan 20 miljónir USD í "eftirlaun" 1999 skv NYTimes.
-Condolezza Rice vann hjá Chevron-Texaco.
-Rumsfeld, brandarakarl stjórnarinnar, vann fyrir Occidental. Voða fyndið.
-Gale Norton hjá BP/Amoco.
Ef þeirra stefnumál hafa ekki með olíu að gera, þá er Davíð Oddsson Messías. Ja, maður veit aldrei...if good looks could kill... Allavega er betra því lengur sem það tekur að byggja upp landið, hægt að sitja á olíulindunum lengur.
Svo er rúsínan í pylsuendanum með Afghanistan: Vita menn almennt að hæstvirtur Lýðræðislegur leiðtogi forseti Afghanistan er fyrrum starfsmaður UNOCAL (Union Oil of California, fyrirtækisins, sem fyrir valdatöku Talíbananana var að leggja olíuleiðsluna frá Turkmenistan til Pakistan?
Ó já, þetta er allt saman bara hrein "tilviljun", ekki satt?
Ef þetta stríðsbrölt snýst ekki um olíu, þá er Ingibjörg Messías líka. Weapons of mass destruction my ass. x

7. febrúar, 2003
Rakst á frjalshyggja.is
Það finnst merkileg klausa eftir Lysander Spooner á forsíðu vefsíðunnar.
"All governments, the worst on earth and the most tyrannical on earth, are free governments to that portion of the people who voluntarily support them"
Spooner var Suðurríkjamaður og hefur, þó hann sé gamall steindauður hattur, ýmislegt að segja í dag. Hann er hot topic meðal svokallaðra kapítal-anarkista, hættulegasta hóp hægrimanna.
Klausan sjálf er skrifuð áður lýðræðisgerðin sem við þekkjum í dag hafði þróast og því ber að taka henni með fyrirvara og muna að tilvitnunin tilheyrir öðrum tíma. En hún er einkar áhugaverð með tilliti til þess hvernig stjórnmálamenn Bandaríkjanna eru keyptir upp af peningamönnum eins og hver annar hamborgari. Mútur og svindl eru daglegt brauð þar í landinu þar sem langflestir þegnar rugla saman hugtökunum "einstaklingsfrelsi" og "markaðsfrelsi" eins og þar sé einhverju jöfnu saman að líkja.
Sjónvarpsstöðvar og útvarpsstöðvar (...the people who voluntarily support...) eru uppfullar af auglýsingaskrumi, keppast um að rugla saman hugtökunum tveimur og er erfitt að finna sannleikann um þjóðmál vegna þess hversu gegnsýrt þjóðfélagsímyndin er einmitt af sjálfsauðgunar- "...hópnum sem býðst til að styðja stjórnmálamennina." (lausl. þýð)
Annað á frálshyggja.is segir: "Frelsisskerðing af hálfu ríkisins er venjulega ill og röng." Döööööö!
Hvers konar bull er þetta? Vitandi að vefsíðugæjarnir einblína á markaðsfræðina gerir svona augljósa alhæfingu hættulega einfalda. Setningin gildir gagnvart ógnarstjórnum, einræðisherrum og öðrum öfgastjórnum eins og markaðsstjórninni sem er við lýði í USA í dag.
Við getum svo hæglega sett svona orð í annað samhengi sem hefur meira með daginn í dag og morgundaginn að gera, og sagt: "Frelsisskerðing af hálfu auðhringa er venjulega ill og röng." Þetta skilja allir viti bornir menn og afsannar sjálfa stefnuna á vefsíðunni bara með því að skoða arðrán auðhringa í 3ja heims löndum í aldaraðir. Eða að líta á sambærileg arðrán Danskra kaupmanna á íslenskri alþýðu. Þar fyrir utan er áróðurinn gegn ríkinu sem slíku engum til gagns nema þröngum hópi auðmanna, þ.e. aðalhópsins sem Spooner einmitt átti við. Fyndið.
Svo segir á síðu "frjáls"hyggjunnar að það beri að leyfa mönnum að neyta eiturlyfja. Samkvæmt minni lífsreynslu er þetta ekki nema hálfsannleikur og ofureinföldun. Að nota eiturlyf er ekkert tengt frelsi ef maður athugar ánauðina sem eiturlyfin setja fólk í. Lífið er ekki svo einfalt að einhverjir menntaskóla-auðhyggjunördar viti barasta hvað sé gott fyrir okkur hin.
Annað bull sem er á þessum síðum segir að "Skattar eru frelsisskerðing." Þetta er náttúrulega alrangt og bein lygi. Menn þurfa ekki að líta annað en á hið ágæta skólakerfi á Íslandi sem er byggt upp með skattpeningum ríkisins. Allir eru læsir og vel menntaðir, menn hafa getað fengið að mennta sig í sínu fagi vegna þess að til þess hafa þeir sitt frelsi. Vegir, brýr, hafnir, flugvellir ...eða maður þarf ekki annað en líta á veikt fólk og hvernig er séð fyrir því með skattpeningum úr ríkissjóði til að sjá að "skattar eru frelsisskerðing" er naive BULL.
Þeir "frjáls"hyggjumenn minnast ekkert á hvernig stórfyrirtæki eru fyllilega sambærileg við ríkisbákn, nema að þau lengja helst vinnutímann, reka fólk með minni fyrirvara, líta á kúnna sem féþúfu (í stað manneskja) og einblína á lokatakmarkið að geta einokað markaðssvið sitt og einungis skilað gróða í pyngjur hluthafa í stað þess að þjóna fólkinu. Að rekstri sé betur komið hjá einhverjum kalli útí bæ, Come´on!
Gott ríkisfyrirtæki er nefnilega þjónn fólksins. Lokatakmark einkagróðafyrirtækis er að ná einokunarstöðu, svo segja má að "gott" (risa) einkafyrirtæki hefur fólkið sem sína þræla. Gnægð dæma úr usOFa
frjalshyggja.is er fanatík ekki ósvipuð þessum trúfélögum sem taka inn á sig fólk, heilaþvo það og þykjast lækna það með einhverri patentlausn á lífið.
Nei, "einstaklingsfrelsi" og "markaðsfrelsi" eru álíka ólík og epli og bananar.
Ég vona bara að börn ykkar álpist ekki inn á svona síður frekar en þau álpist inná síður Moonista! yo yo

3. Febrúar, 2003.
Veretta Cobler ljósmyndari kom til okkar í dag að ljósmynda nýju veggklukkuna. Hér er hún að athafna sig.

30. Janúar, 2003
design.is sýningin í Berlín
Sýning Álfahönnuða opnar í Berlín. Þema: Álfar. Sendi áðan inn ljósverk úr glæru resin og pappakassa. Vonandi gengur það upp. Stendur framan á þessu sprechenbox: "Álfa hvað?". Verk hönnuða eru sett inní lítil tjöld, eins og í Laugardal. Sýningarskráin á að vera góð, er enn að bíða spenntur eftir henni.

12. Janúar, 2003
Samsæriskenning!
Hmmmm...Samsæriskenning er orð ofnotað af mönnum sem afgreiða hlutina einn tveir og þrír búið, og gleyma að sagan er uppfull af samsærum. Samsæri eru hluti af eðli samfélagsins og mannlegra samskipta. Heyrði í Gore Vidal viðtali á NPR að betra væri að nota orðið "tilviljun" ! Helvíti vel til orða tekið. Hann er frábær rithöfundur og fer skemmtilega oft út fyrir strikið. Eins og sumir aðrir.

1. Janúar, 2003
Jæja, gleðilegt ár.
Hér eru myndir frá því í gærkvöldi: Fjöldi manns hjá okkur, sá síðasti fór um 10 í morgun. Varð veikur greyið, Íslendingur að sjálfsögðu... ágætur maður og nefnum engann á nafn. Einn kassi af rauðvíni eftir og árið byrjar því vel. Skúli sæti er á miðri mynd, hann er venjulega ekki með þennan hatt.

2003
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
2002

4. Desember, 2002
Bla bla bla bla? ! $X%#-$$@D@
Sjálfstæðismenn hagræða staðreyndum lífsins eftir mynstri flokksstefnunnar. Ef peningagróðalína harðlínumanna þeirra myndi fá að ráða ferðinni, þá væri komið upp óvenju hátt atvinnuleysi á Íslandi!
Og ef ljósritunarvélin þeira sömu sem ljósritar allt úr repúblíkanaáróðri Bushara Vestur úr hafi fær að halda áfram kópíeringunni á gulrótinni miklu gæti svo farið að blái HNEFINN berji í borðið og segi að fólk sem ekki geti sig klætt séu bara bölvaðir eymingjar og kunni ekki að græða pening eins og þeir vel gefnu sem ganga um í BOSS jakkafötum, stresstösku og lófafinnbogatölvur.
Að fólk sem ekki meiki það á lágmarkslaunum geti bara farið í annað djobb til að þéna meira (í atvinnuleysinu).
Að hér gildi best að fara eftir lögmálum Friedman, Hommes, Darwin, Tarzan og John Wayne og þau séu bara fullgild enda hefur hver sem er rétt á að græða og græða eins og landnemar sem eigna sér land sem enginn átti áður eða hafði viljastyrk til að eigna sér. Samanber að eigna sér þjóðareignir sem eru "betur reknar" hjá einhverjum kalli úti í bæ. LOL
Ég kalla þetta þjófnað undir regnhlíf óhóflegs áróðurs um að allir geti bara orðið svo ríkir!! -Lygi #1.

Sovét eða BNA. Horfum t.d. til BNA og segjum okkur að land sem haldi um 5,4% vinnufærra karlmanna er í fangelsi* sé fullþroska lýðræði. Horfum til Sovét og segjum okkur að einkavæðingin þar hafi tekist framar öllu. Fáránlegt að nota BNA sem viðmiðun við hvernig við eigum að móta heildarstefnu landsins og stórhættulegt að kópíera úr stefnuvísi hagfræðiíhaldsins þar.

* (1999 úrtak 18-44 ára karlm: 2 millj í fangelsi, 3 millj á Parole, 600,000 á Probition) Nils Christie: Crime Control as Industry, bl.35.

20. Október, 2002
Yikes, Laugavegur 40 brann!

Jæja þá. Það er ekkert annað. Laugavegur 40, íbúðin sem við skoðuðum fyrr á árinu brann í gærnótt. Eins gott að við keyptum hana ekki. Þetta var ágætt og rúmgott eitt rými sem með svolítilli vinnu hefði getað orðið flott stúdíó til að vinna í á meðan við dveljum heima. En hálf skrýtið að brennandi og hrynjandi byggingar eru of nálægt... hingað til sloppið fyrir horn! Yibbý!

15. Október, 2002
VEFFARI !
Spurning um að koma upp þessu auma bloggi á vefsíðu. Til dæmis er veffari.com er ennþá laust, vef-fari... sbr. geim-fari. Hmmm. Er þetta þess virði? Sjáum til ef ég finn server með forum sem er auðvelt að nota. Hér eru nokkrar svipaðar útgáfur af hugsanlegum nýyrðum:

veffæri	veffar	veffær	veffærni	vefferðir	veffarir
veffræðingur	veffjörður	veffari	veffarið	vefbladur	vefskítur

15. Október, 2002
	Var að klára þessa stórmerkilegu bók um fangelsun í löndum víðs vegar um heiminn. Það sem kemur á óvart er að Bandaríkin eru með langhæst hlutfall fangelsunar á höfðatölu. Ísland lægst. Greinilegt að mikill business er í kringum fangelsin. Svolítið dull í endann en mæli sterklega með þessari lesningu.

12. Október, 2002
WTC-Food for thought.
A. It is hard to avoid the humility of an enormous event of being too close to an enormous building which in an instant turns into a vertical unstoppable avalance.
B. What I don´t get is why the ashes of the victims are hollered out to the trash fields on Staten Island while the empty hole is worshipped by all. They literally threw the victims ashes into the garbage!

11. Október, 2002
Hallgrímskirkjan
Ég er að fatta að Hallgrímskirkjan, hönnuð fyrir seinni heimstyrjöld og byggð þar eftir, dregur efsta hluta sinn að einhverju leyti af Chrysler byggingunni (kláruð ca. 1929). Það er eðlilegt að innlifunin komi af svo skemmtilegri byggingu eins og Chrysler, sem er efst eins og jólatré. Afar viðeigandi fyrir kristilegar hátíðir. Afar viðeigandi að Kristin trú viðgangist undir einu af aðal tákni kapítalismans, tákni markaðsaflanna, braskaranna. Undir jólatrénu eru svo pakkarnir; sálirnar hans Guðs, besta vinar okkar.

Saturday 28. September, 2002
Corner building just collapsed.
Last week we had breakfast at a diner on the corner of Rector and Greenwich. We thought, hey we should come here more, this is ok and two doors down from our Loft. Af hverju skrifa ég á ensku, veit ekki, en best að halda því áfram... They had been displaying several photographs of their building in the window, from that Tuesday on 9-11, showing the incredible amounts of dust people were wading.
But today the building collapsed, with no warning some portions fell and after a fire /building dept inspection, they pulled the remainder down. It was an old 2 story building, probably damaged in the quake during the WTC collapses. Weird. Pictures from Sunday 29th.

15. September, 2002
Yfirvofandi árás í neðanjarðarlestum á Manhattan?
Ég sé fyrir mér mikið öryggisvandamál í neðanjarðarlestum. Sé fyrir mér mann fara í aftasta vagn lestar úti í Brooklyn á leið inn á Manhattan. Á næstu stöð í Brooklyn fer annar maður inn í fremsta vagninn. Hvor um sig hefur venjulega ferða tösku. Í henni eru 20 kg af sprengiefni og tvö gallon af bensíni. Lestin heldur áfram að fyllast af fólki og fer troðin inn undir Manhattan eyju. Á milli lestarstöðva einhversstaðar á Manhattan, á ákveðnum tímapunkti í mestu ösinni grípur einn þeirra (eða 3ji maðurinn) í neyðarbremsuna, lestin er stopp milli stöðva þar sem erfitt er að nálgast hana. Sitthvor maðurinn í aftasta og fremsta vagninum sprengja þá ferðatöskurnar, bensínið sprengist út um allt og kveikir í öllu sem brunnið getur. Instant inferno með allt að fimmtánhundruð manns föstum í lestarvögnunum á milli, án útgönguleiðar. Ef þetta er gert með 7 lestum á sama tíma geta terroristar drepið allt að 10,000 manns á hálftíma og engin getur rönd við reist. Allar lestar stöðvast, borgin stöðvast, allt er fast og milljónir manna komast ekki til eða frá heimili.
Óraunhæft? Mér finnst þessi martröð reyndar mjög líkleg. Eina vandamálið hjá þessum vitfirringum er að nálgast 10-20 kg af sprengiefni, restin er leikur einn. Ekki þarf annað en líta á lestarslysið í Austurríki í fyrra eða hittifyrra til að sjá hvað lest í göngum getur orðið að brunaofni með ótrúlega háu hitastigi.
Svona dæmi er enn líklegra ef Bush ræðst inn í Írak og þá hætti ég að nota neðanjarðarlestirnar á annatímunum. Ef eitthvað svona skeður mun bjáninn í DC ráðast inní eitthvert annað landið, Kanar heimta alltaf hefnd eins og hverjir aðrir kúrekar.

12. September, 2002
Útvarp Saga viðtal í dag.
Hallgrímur Thorsteinsson frá Útvarp Saga hringdi í mig í gær og skellti mér í umræður með Ólafi nafna Grímssyni forseta. Vonandi kom þetta vel út og ég ekki gert mig að fífli. Ólafur er lipur í tungunni og með góða innsýn inní margt. Má tékka á ef hann hefur skrifað eitthvað af viti síðan bókina "Hið Íslenska Samfélag" frá nítjánhundruðsextíuogsovét eitthvað. Er hér í hillunni. Ósnert.

5. Júní, 2002
Esjugangan
Fórum uppá Esjuna í dag, helvítis rok og rigning en það hafðist næstum. Þór Tómasson hetja meikaði það einn manna upp á topp, en Donna fraus í klettabeltinu og ég hjálpaði henni aftur niður. Næst fer hún alla leið!

4. Júní, 2002
Sýning í Hönnunarsafninu
Kláruðum í dag að taka niður sýninguna mína í Hönnunarsafninu. Þetta hefur komið ágætlega út. Aðalsteinn hefur verið þokkalega góður í að kjúra sýninguna. Myndin að neðan er bogin og samansett (fish eye distorted). Myndir eru dregnar af veggjunum og móta rými. Hægt er þannig að fara inn-í myndirnar (i.e. Í mynd) og skoða þar fleiri myndir á slides vél sem baunar á vegginn undir tónlist Skúla Music For Furniture. Opnun var 30 Mars og virðist sem um 5-600 manns hafi komið. Skv. Gestabók. Sjálfsagt hjálpað að Vala Matt og Jónatan Garðarsson sýndu smá viðtöl í sjónvarpinu.

Hönnunarsafn Íslands er Museum of Design and Applied Arts, Iceland. Garðabær skaffaði þeim þetta rými þar til Garðabær byggir safnabyggingu fyrir Hönnunarsafnið. Það væri fjöður í hatt Garðbæinga að hafa Hönnunarsafn Íslands í nýrri sér-byggingu.

Faxaði einkunnir í Rhode Island School of Design. Allir fengu "F". Nei, ok, helmingurinn fékk "A". Meira á Current Door Studio. (sífellt að uppfærast)

Svo um kvöldið kíktum við á íbúð á Laugavegi 40. Fínt space og hef mikinn áhuga á þessu. Eigandinn virtist hafa haft íbúðina í sölu í svolítinn tíma svo kannski er hægt að fá þetta á lægra verði. Sjáum til seinna meir, kannski með haustinu, en svona stórt rými myndi gera flott stúdíó í miðbænum. Eina íbúðin sem við höfum kíkt á, hinar virtust óttalegt lúseraprump, ein rétt hjá Hlemmi og önnur í Holtunum, kom ekki til greina. Svo dinner hjá dr. Gunna.

14. Mars, 2002
Krít 2 í Rhode Island
Fór með Pietro Valle, Ítalska arkitektinum. Hann stóð sig eins og hetja þó ekki sé það sama að segja um bíldrusluna. Rafmagnslaus þegar við vorum komnir út í bílgeymsluna klukkan 5:00 um morguninn. Hringdi í AAA og einhver krimmi kom hálftíma seinna og gaf okkur stuð.

5. Mars, 2002
Rhode Island School of Design Crit
Fór með Skúla Sverrisson og Hlyn Atlason í smá krít. Hlyn leist ekkert á vinnuna hjá nemendunum. Held að Skúli hafi fílað þetta. Ekki nema 10 dagar liðnir af önninni. Á leiðinni til baka var afturdekkið eitthvað lásí, Hlynur að kúka í sig af hræðslu en með góðum bílstjóra er allt í góðu lagi.

29. Febrúar, 2002
Þessar keyrslur uppí Rhode Island School of Design. Yikes!
Keyrslurnar á kagganum, gömlum stórum Lincoln skrjóði upp í Providence á Þriðjudögum og Fimmtudögum. Sagt er um karlmenn á stórum bílum að þeir séu með lítinn tilla. Bannað að hafa orð um það. Það er óttalegt vesen að komast út úr hverfinu hér, vopnaðir hermenn og lögreglur útum allt með stæla við mann. Þeir eru ennþá að reyna að verjast árás á WTC, með allar götur blokkeraðar. Það eru krókaleiðir að komast af neðsta hluta Manhattan á FDR hraðbrautina sem liggur uppí Bronx. Þaðan keyri ég til Connecticut, þaðan ca. 150 Mílur til Providence.

Tók þessa mynd á leiðinni ca. í miðju Connecticut fylki. Ekki svo ýkja langt í að skrjóðurinn okkar komist í þennan selskap. Og þó, með viðgerðum er allt hægt!

2002

---x-x-x-x-x-x-x-x-o-x-x-x-x-x-x-x-x-x-x-x-x-x-x-x-x-o-x---

2001

16.Desember, 2001
Opnun í John Elder Galleríi í gær.
Ágætur fjöldi af fólki, Hee Seung hjálpaði heilmikið til og ég er ánægður af að hafa hana sem intern. Tónlist Skúla er stórkostleg og kassinn sem við sömdum saman kom vel út. Þarf að ganga frá smáatriðum eins og merkingum á stykkjunum ofl.

10. Desember, 2001
Vinna á fullu fyrir sýninguna hjá John.
Hee Seung hér sem Intern, hjálpar heilmikið og leggur sig fram eins og hetja. Meira seinna.

5. Desember, 2001
WTC Memorial, hugmynd.
Smá hugmynd að minnisvarða. Er þó ekki viss í hvoru landinu hann ætti að vera. Fer eftir því hver vinnur þessa heimsstyrjöld.

Heyrðu annars, erum við í WW3 eða WW4?

15. Nóvember, 2001
Grunnmyndin af nýja rýminu.
Þá er maður búinn að leggja út grunnmyndina af nýja rýminu, nóg pláss, aldrei þessu vant. Þetta er eitthvað um 160 ferm og vinstra megin er Trinity. Þar verður skrifstofan lengst til vinstri og vinnuplássið okkar lengst til hægri. Þvottahús og smá eldhús fyrir miðju og lyftan frekar vinstra megin.

10. Nóvember, 2001
FLUTT.
Erum flutt yfir götuna, svo við sjáum ekki lengur ofan í grunninn. Kannski betra fyrir okkar viðkvæmu sálir. Þetta er ágætt space, um 30m langt og frekar mjótt. Hávaði mikill á kvöldin, allt á fullu við að grafa upp líkin.
Tók ýmsar myndir fyrir utan staðinn okkar, við erum þá rétt fyrir sunnan Rector street. Rýmið nær í gegnum blokkina, með gluggum út á Trinity Place (sjá mynd) og aðrir gluggar út á Greenwich götu. Trukkar keyra drasl af WTC lóðinni á Greenwich, framhjá gluggunum. Aðallega tómir trukkar keyra svo inn að WTC á Trinity Place hinum megin íbúðarinnar. Hér sést einn trukkur fyrir utan gluggann okkar (ljós á 2. hæð.) með risastórum og klesstum stálbitum á pallinum. Hvítu trukkarnir eru margir frystibílar, fer ekki nánar út í hvaða tilgangi þeir þjónuðu.

En það fáránlegasta sem maður heyrði er þó þegar snillingurinn Bush tjáði hinni Bandarísku þjóð: "Go shopping, buy that car you always wanted, get our economy rolling again!" Maðurinn er greinilega ekki með öllum mjalla.

ÚFF
Mikið hefur skeð undanfarið og rótleysi einkennt okkar líf. Höfum eytt vikum uppi hjá Verettu sem tók okkur inn eftir ósköpin.
Löggan í hverfinu er yfirgengileg, hrokafull og dónaleg, hún lætur eins og þeir ætli sér að vernda wtc, kannski fullseint? Ég meina nú að fólk sem býr í hverfinu hefur orðið fyrir áfalli, tugþúsundir eru heimilislausir og borgin gerir ekkert fyrir einn eða neinn, engin neyðarlína eða hjálp, og svo er lögreglan með skít gagnvart fólkinu? Hvað er að þessum borgarstjóra, mér sýnist hann ánægður með að fá sess í sögunni. Og sendir svo lögregluna til að segja skjálfandi íbúum hverfisins að hypja sig í burt! Það er ekkert skipulag á að hjálpa þeim sem eru lifandi, en skipulag á að hjálpa þeim sem eru dauðir. Þetta er lélegt.

Skrifað eftir 11. September, 2001

WTC, var að taka þessar myndir út um gluggann, ca 250-300m beint í Norður. Var ekki ljóst fyrr en eftir á að turninn (70m. á kant) er aðeins byrjaður að halla til hægri. Svo augnabliki seinna snerist gríðarstór toppurinn í áttina að okkur með svakalegum hávaða, hristingi og látum, eins og eitthvað atriði úr Biblíunni. "Shit" var orðið sem ég gargaði upphátt, "Biblical" var nákvæmlega orðið sem ég hugsaði með mér, þar sem við hlupum frá glugganum inní íbúðina... texti og alls konar myndir. Til að komast á síðuna er hægt að slá út stöfunum blogg í vefslóðinni og setja í staðinn wtc (Gert til að þessi síða fari EKKI á heimsvefinn og á leitarvélar.)

Religion at work!

20. Ágúst, 2001
Elsku Donna í eldhúsinu.
Pósar sem tré, með fuglunum sínum og öðrum skrímslum...!

30. Júlí, 2001
Julie Payette í Heimsókn
Góð vinkona okkar frá Montreal og dóttir hennar, þau komu hingað yfir helgina í smá business leiðangri Julie.

25. Júlí, 2001 Mexíkóferð Nýkomin heim, Donna ennþá að vinna þar við ljósmyndatökur, þetta er syðst á Baja skaganum, sem skagar niður, suður, úr Kaliforníu. Frá vinstri, Ljósmyndarinn, þá ég og eitt súpermódelið, svo Donna við myndatökurnar (og að tékka á mér og súpermódelinu :-)) og síðast Donna að heilsa upp á páfagauk sem hún rakst á í bænum.

23. Júní, 2001
Laurie Anderson.
Hitti Laurie Anderson í gær á stúdíói hennar, hún vill athuga með að ég hanni einhverja lýsingu á sviði í tónleikaferð. Verðum í sambandi seinna, en hún sendi í dag frumeintak af nýja disknum sínum Life on a String sem gefinn verður út með haustinu. Öflugur diskur, Skúli er mjög sterkur á henni. Óvenju mikið lamenting fyrir Laurie, en einstakt að fá að hitta svona eldklárann listamann.

19. Maí, 2001
Opnun í gærkvöldi í Norræna Húsinu á Park Avenue.
Tókst vel, sýndi hlutina innan úr búðinni allveg út að úti dyrum Norræna Hússins. Sem betur fer er ekki enn búið að opna veitingastaðinn og því bauðst mér þannig að sýna á mestallri fyrstu hæðinni. Margt gott manna kom að skoða. Er bara hæstánægður með útkomuna. Nýju ljósin tóku sig vel út og var raðað upp meðfram hálfglansandi veggnum og í hillunni sem ég gerði í búðargluggann fyrir sýninguna. Takk Matt.

16. Mars, 2001
Þvottá
Mér er svo oft hugsað til fjölskyldunnar á Þvottá þar sem ég var í sveit. Hér er mynd af Einari á tröppunum.

Blogg síður. Genginn í hóp nörda sem skrifa upphátt. Prívat þó fyrst til að byrja með.

das boot

Blogg off!!