2001-2003 : 2004  : 2005 :      KVARTANIR    :    ENGLISH    :    HIN HLIÐIN    -COPYRIGHTED MATERIAL-

tölvupóstur: olafur (á) dingaling.net

Ásamt meðfylgjandi mynd...

10. Maí, 2005
Gulkistan, listahátíð á Laugarvatni
Sendi inn þetta verk á Gullkistuna á Laugarvatni. Lágmynd af framhlið Alþingishússins, steypt í gúmmí, gull-gúmmí nánar tiltekið, með spottum og ál-krossi fyrir ofan. Og í gluggum má sjá hvað fram fer innan dyra í einkadílum strengjadúkkna  bananalýðveldisins.

Myrkraspil hins gullna musteris.

Endurvinnsla
Það liggur ljóst fyrir að ef við lítum á fólksfjölgun, matvælaþörf og hráefnavinnslu, framleiðsluþarfir og mengun ofl. þá eru takmörk fyrir hversu lengi hlutirnir endast.
Ekki entust skógar landsins lengi. Geirfuglinum var stútað. Síldinni var stútað. Hörpudiski. Hvalategundir hafa farið nær útrýmingu sumar. Fiskimiðin eru eitt stórt spurningamerki eftir áratuga nauðgun með stálflekum og dráttarskipum sem tæta botna og hreinsa upp stóru svæðin til að fullnægja okkar pervísku neytenda-fullnægingarþörfum.
Mikið af því sem við snertum á drepst og eyðilegst nema að fagmenn fylgist vel með og fá að ráða hvernig staðið er að hlutunum. Saga Aeops um eggin og gullhænuna er í fullu gildi.
Mikið af endurvinnslu er því á byrjunarstigi með meðfylgjandi fæðingarhríðum. Menn tala um að endurvinnsla á pappír sé ekki möguleg. En ef við tökum pappírsfjall neytendaskíts næstu 10 ára? Er engin leið að endurnýja það fjall? Trúi því ekki.
 

Frelsið og einkavæðing.
Frelsi er eins og við vitum ofnotað orð þegar kemur að markaðsmálum. Markaðurinn virkar vel þegar hann er afgirtur rétt. Ríkið virkar prýðilega þegar aðstæður eru réttar. Skattar geta virkað prýðilega m.a. þegar kerfið er nægilega opið og hægt er að ræða af viti hvað er verið að eyða í.
Einkavæðing ríkisbattería virkar stundum, stundum ekki. Ameríska ríkispóstþjónustan USPS er t.d. prýðileg rikisrekin, gerir manni kleyft að senda bréf hvar sem er í BNA fyrir 37c. 20 Krónur. Einkapóstfyrirtækin rukka léttilega þrjátíufalt þá upphæð.
Einkavæddu símfyrirtækin í USA eru öll ömurleg. Hef ekki enn skipt við Amerískt símafyrirtæki sem er heiðarlegt eða sanngjarnt eða er ekki bara hrein okurstarfsemi með gyllitilboðum. Ég vildi óska þess að til væri ríkissímfyrirtæki í BNA þar sem maður vissi að hverju maður gengi.

Skattamál og fyrirtækin.
Fyrirtækjaræði hefur haldið innreið sína í Ísland af fullum krafti. Atkvæði hins almenna borgara mun smátt og smátt minnka í vægi, á meðan fyrirtæki munu stjórna meira og meira á bak við tjöldin og spila með borgarana til að greiða hinu og þessu atkvæði. Sú staðreynd að þau hafa fengið auka-skattfríðindi er bara eitt einkennið á þessu vandamáli sem fyrirtækjabraskarar eru.
Þó er ég hlynntur lægri skatti á fyritæki sem eru undir ákveðinni stærð. Stðreyndin er sú að smærri fyrirtæki leggja langmest af mörkum til þjóðfélagsins í heildina séð. Það er í smærri fyrirtækjum og miðlungs stærðar fyrirtækjum sem við höfum mest á að græða.
En með lækkun skatta mun koma aukinn niðurskurður á almennu öryggi borgara. Heilbriðgðismál og menntamál þau viðkvæmustu. Og svo segi ég enn og aftur: Allt tal um skattalækkun er innantómt píp án rökstuðnings með hvar eigi að skera niður. Fyrst kemur niðurskurður og svo skattalækkunin. Allir eru að vilja éta með rassgatinu í þessu máli eins og mörgu öðru.
 

(1)	(2)
Hefur ás til vesturs frá höfn, síki sem sker miðbæinn í tvennt. Einhverjir smábátar kæmust undir brúna.	Hefur ás til vesturs frá höfn, en með umferðarmiðstöð, þar sem strætó, rútur og leigubílar eiga spot, þ.e. sauma bæinn saman.
Rífur 1/3 bygginga við Hafnarstræti.	Viðheldur Hafnarstræti komplett, sem er í dag eina alvöru borgargata Akureyrar. Ekki skemma það sem virkar.
Gerir ráð fyrir göngugötum í öllum miðbænum	Gerir ráð fyrir hægari bílaumferð sem hluta af götumynstri. Án bílaumferðar er miðbærinn auðvitað óvirkur.
Glerárgata gerð að "götu" í hluta tillögunnar, þ.e. sunnan tilvonandi Menningarhúss.	Tillaga mín stingur upp á losa við hraðbrautarfyrirkomulagið alveg og skipta stefnu Glerárbrautar í tvennt, hleypa í staðinn tveimur einstefnugötum í miðbæinn, enda er leyfð bílaumferð í miðbæ eins og vítamínsprauta, hraðbraut eins og eitur.
Gerir eins og allar hinar tillögurnar ráð fyrir að Menningarhúsið verði reist í núverandi mynd, þó það sé hannað eins og kú á túni og hefur ekkert með sitt húsaumhverfi að gera (umhverfið ekki til fyrr en þessi samkeppni kom til)	Sér Menningarhúsið tilvonandi sem skipulagsmistök, vill láta endurhanna það sem hluta af húsa skipulagi. Hvers vegna teikna hús fyrst og svo skipulag? Hér skýrist vel þessi gamli góði frasi: "Þegar arkitektinn veit ekki hvað hann á að gera, þá teiknar hann hring."
Fyllt er upp í gömlu höfnina að hluta.	Gerir ráð fyrir að núverandi innri höfn verði smábátahöfn, við hana ííbúðabyggð, verslana og kaffihús.
Skemmtiferðaskip-aðkoma hefur sama legupláss og í (2). Aðkoma væri í Menningarhúsið óreista.	Skemmtiferðaskips-aðkoma væri í nýtt Menningartorg, umlukið alls konar byggingum, þ.m.t. endurhönnuðu Menningarhúsi, tónlistarhúsi og vetrargarði.
Garðakerfi mikið með göngustígum, græn svæði eru stór.	Hefur göngustíga í gegnum skipulagið og meðfram höfninni, sem tengir N-S. Græn svæði eru innan byggðarinnari.
Húsagerð tekur ekki mið af veðurfari	Húsagarðar glerjaðir og gerðir að vetrargörðum, sem dreift er um byggðina og nýtast sem tengiliðir innan og milli hverfa (ljósblátt)

Dæmin um París og Prag eru ekki til þess gerð að halda Akureyri stórborg, heldur að í þessum borgum sést hvernig skipulag er best gert. Það er engin ástæða að halda að Akureyri geti ekki verið með götulífi, enda sést það nú á Hafnarstræti. Ekki neinum nýjum götum.

That's it folks. Allt fyrirkomulag og skipulag sjálfrar keppninnar frábært og til fyrirmyndar, hægt er að skoða tillögurnar allar á vefsíðu vision Akureyri http://www.vision-akureyri.is/
 

"Klakinn"
Var að fá úrklippur, einhverjar nýjar greinar um hönnuð sem er að setja í gang PR á sílikón ísklakaboxi í laginu eins og Ísland. "Einkennilegar tilviljanir" alltaf hreint. Eins og kunningi minn listfræðingur sagði um þetta daginn: "Sounds familiar?" Að neðan; sílikón-ísklakaboxið sem ég kynnti í fyrrasumar; "Ice-land."